Breaking News! Chinram Khualipi Ah Hakha Khualeng Ah Suimilam Pakhat Leng An I Kap

Breaking News! Chinram Khualipi Ah Hakha Khualeng Ah Suimilam Pakhat Leng An I Kap

  Nihin July 26, zaanlei sml. 4:30 hrawng in Hakha khualeng, Falam lam le Thantlang lam lei ah kahdohnak hmun 2 hrawng in a chuak i kahdohnak suimilam pakhat leng a rau. Zaanlei 5:40 hrawng lawng ah meithal thawngpang a dai. Kahdohnak a chuah tlawmpal ah khan Hakha in ralhrang motor a tlawm bik 3 bawmh ding in an kal.

SAC ralhrang lei nih GTI sianginn pawng Palik sakhaan chak zong in bomb in an kah hna. Atu hi meithal thawng cu a vun dai cang. I kahdohnak ah kap hnih hliampu le mithi an um le um lo fiang in theih a si rih lo.

Kalay Ah Phone Ser A Cawngmi Mino 5 Tlaih An Tong

Sagaing ramṭhen, Kalaymyo, hmunhma humhimnak camp pawng ah motor pakhat cu July 23 ah Kalay PDF nih bomb in an puahhnawh hna hnu ah mino 5 cu tlaih an tong, tiah tualchung mi hna nih an chim.Bomb puahhnawh ruangah SAC ralkap 5 an thi, tiah Kalay PDF nih cathanh an chuah. SAC ralkap nih bomb puahhnawh an tonnak hmun pawng ah ummi Phone sernak dawr ah Phone ser a cawngmi mino 5 cu an tlaih hna hi a si, tiah tualchung mi pakhat nih a chim.

Atu Lio Kan Tonmi Kip Hi Ngaihchiatnak Lawng Te Caan țha kan ngeih lio ah pakhat le pakhat i daw u sih Ram kip le hmun kip um Fb hawile hna, atu lio cu ral le rai ruangah aho nih domhtlai manh loin cheu khat hna nih cun an kan liamtak i, i zumh awk hmanh a har lei khi a si cang. Cu tluk cun minung kan nunnak caan hi a tawi chin lengmang cang. A ruah awk zong kan hngal ti lo, ar bang kan vai dih cang.

Mi cheu khat acc cu response hmanh kan tuah manh hna lo i, cheu khat acc he cun hawikom lawng kan si hna i țha te zongin i chawnh bia manh hlan ah an liam hna. Cheu khat acc ngeitu pawl he cun kan i kom ngaingai hna. A cheu khat cu ka caah man ngeimi fb hawikom an si hna.Ca ka țialmi ah siseh, thazaang a ka pe lengmangtu hna le thil a dangdang kong ah a ka chawn tawn i bia ka ruah ți hawikom cheu khat pawl hna cu a voikhatnak kan i chawnh a si bantuk in a hnu bik le a donghnak bik kan i chawnh zong a si fawn.

Ngandam i zuam law hi hnu zongah tampi in kan țialpiak lengmang ko rih mu tiah forhfialnak bia he thazaang a ka pe lengmangtu hawi dawt cheu khat hna cu hawi hlan ah an rak kal chung hna.

Cucaah fb hawile vialte hna, caan tawi te kan nun lio le hmun khat i kan um ți lio caan ah hin pakhat le pakhat i daw hna u sih law pakhat le pakhat kan zawn i ruat hna u sih. I bawm u sih law pakhat le pakhat i rem tein le nuam tein khuasa ți hna u sih.Zei kan tuah paoh ah siseh pakhat le pakhat kha ralring te le ngandam tein um i zuam mu tiah i ti u sih. Ka ngaithiam, kai lawm tuk, kan ngai kho tuk ee, kan dawt tuk tiah i ti hna u sih.

Ram kip le hmun kip um fb hawi dawt vialte hna, atu lio kan khuacaan le vawlei pulrai thli a hran lioah hin aho cațialmi hi dah a hramthawknak a si lai i, aho cațialmi hi dah zeitik caan ah a donghnak le a hnu bik a si lai ti cu ahohmanh nih kan hngal kho hna lo hi mu. Ralring tein le timhcia tein um i zuam hraam law…Nan dihlak cungah daihnak um ko seh.