Breaking News: CNDF Sinah Ralkap Pawl Hriamnam Tling He Cei Lak An Va Zam

Ralkap pahnih le palek pakhat hriamnam tling he CNDF sin ah an zaam,
September 30

Chin ramkulh, Falam hrambunh KhaLaYah-268 Ralkap Battalion in ralkap pakhat, Tibual Ralkap Sakhan in ralkap sen thum pakhat le palek sen thum pakhat hna cu hriamnam tling he CNDF sin ah an rak zaam i CNDF nih laksawng tangka kan pek hna hnu ah, himnak hmun ah kan kuat hna tiah CNDF nih nihin, September 30 ah an thanh.

September thla chung ah CNDF sin ah a rak zaam mi palek pariat le ralkap pa hnih, an dihlak 10 an si cang tiah theih a si.

Dothlennak hlawh a tlin nakding ah rammi ralkap le palek hna nih mahle naihniam CNDF ralkap hna sin ah rak i fon ding le rammi zapi he dirti ding in CNO/CNDF nih kan in forhfial hna ti zong an langhter.
Ref. TheHakhaPost

Ralhrangbu nih tlangcung hriamtlaibu hna he tonbiaruahnak tuah in ramchung remdaihnak cu fak deuh in kan tuah chinchin lai tiah Sept 30, tuni Naypyidaw i Press conference ah ralhrangbu chimnak nawlngeitu Zaw Min Tun nih a chim.

Zaw Min Tun nih cun ralhrangbu nih remdaihnak tuahnak ah thil pathum kan tuah lai tiah a chim.Pakhatnak: Tlangcungmi hna anmah i tel in remdaihnak riantuan le tthawnternak!

Pahnihnak:Ralhrangbu nih a thlahmi remdaihnak tuahtu committee le tlangcung hriamtlaibu (EAOs) hna hmaitonh biaruahnak ngeih ding.

Pathumnak:NCA ah min a thumi hriamtlaibu hna he a fekmi remdaihnak tuah ding,cun NCA ah aa tel rih lomi hna zong an i tel ve khawhnak dingah kahdaihnak tlawmter in kaphnih biaruah hnatlaknak tuah ding, ti hna an si.

A ngaingai tiah cun ralhrang nih nawlngeihnak an lak hnu in NCA ah hnatlaknak min a thumi tlangcung hriamtlaibu hna nih remdaihnak kong biaruahnak cu kan ngol cang tiah an thanh.

Cu lawng si loin kahdaih an thanh nain kahdohnak an tuah peng fawn.Tutan i thla 5 chung kahdaihnak an thanhmi zong zumh a um lo tiah ramkhel thiamsang hna nih an chim. Credit : The Chin Post

Be the first to comment

Leave a Reply

Your email address will not be published.


*