Breaking News; Hakha Lamtonnak ah Min Aung Hlaing naule nih mi an chek, pakhat an kah nain an khenglo

Hakha Lamtonnak ah Min Aung Hlaing naule nih mi an chek, pakhat an kah nain an khenglo
==============================
Nihin November 2 zingka in atu 12:45 PM tiang Hakha Lamtonnak le Sanpiah Sawng (Ahlan Kyaw hmai) ah MAH naule palek le ralkap nih mi an chek cuahmah tiah kan theih.

“Motorcycle in aa chok mi kha an dirter hna i an chek hna. Pakhatpa cu a dir duhlo i a tlichih. Meithal zuun khat in 12:35 PM hrawng ah khan an kah nain an kheng rua lo. Khika hmun hrawng umkal i ralring cio u,” tiah khuami pakhat nih The Hakha Times ah a chim.

Hakha Lamtonnak pawng KBZ Bank hmai ah Kawl ralkap nih khuami a tlawmbik 5 tlaih. Nihin November 1 zaan 9:00 hrawng, Hakha lamtonnak pawng, KBZ Bank hmai (Pale Store-2 pawng) ah Kawl ralkap (Ralhrang) nih khuami 5/6 hrawng an tlaih hna, tiah kan theih.

“Motorcycle in aa chok mi kha an tlaih hna. An check hna. An khuk an bilter hna hnu ah palek motor le Honda raang mi motor pakhat an ra. Uniform aa hruk lo mi pawl nih khuami 5 or 6 cu motor cung ah an kaiter hna i an kalpi hna,” tiah khuami pakhat sin in kan theih.

Aa chok mi hi anmah cu palek motor in an kalpi hna i an motorcycle cu thlanglei ah an zuanpi, tiah kan theih. Tu lio kan thawngpang i nan vah ngam hi cu tlaih hi nan duh pah rua ti awk in, Vah nan duh tuk in tlai ko hna seh kan ti ko lai ta.

Mindat ah an i Kap, Ralkap pathum an thi. 2020 October 31, Nihin zaanlei sml 3:30 in 4:30 pm tiang CDF le Ralkap cu hmun thum ah an i kap tiah kan theih. Hi kahnak cu, “Mindat khuachung Myanmar Economic Bank (MEB) hmai, Mindat le Kanpalet lamton ah le, khua nitlaklei sang” ah a si.

Mindat khuami nih ralkap pathum an thi i, CDF in pakhat hliam a tuar tiah an chim. Hi kahnak a dih in Ralkap nih minung pahnih an tlaih hna i an hrem hna tiah theih a si. Nain, tuzan 8 pm hlan ah an thlah than hna tiah Mindat khuami sin in kan theih.

Thanthlang ca Lehrul Chamnak ah Yangon ah Bus an Khangh. SAC ralhrang nih Thantlang ah inn 164 an khanghmi lehrual chamnak ca ah Yangon, Kyimindaing ah Ne Win tupa ngeihmi YBS Bus pakhat nihin zinglei sml. 10:15 ah an khangh.

Hi Bus hi rialdip uktu Ne Win tupa Kyaw Ne Win ngeihmi Omni Focus YBS-20 a si. “Bus aa citmi pawl an ttumter dih hna hnu ah datsi rawnmi thawl in an khangh. SAC ralhrang nih Thantlang mipi inn pawl an duahmi lehrul chamnak ah tuahmi a si,” tiah Kamaryut Information nih an langhter.

Thisen in Laihri-tlai kan unau Chinmi kan in tuarpi hna tiah Karen National Union (KNU) nih cathanh chuah. Ralhrang nih Thantlang khua an khangh mi nih hin a luancia kum10 bu lio Karen miphun nih kan rak tuar ve mi kha a kan theihter than.

Khrihfa biakinn le khuate inn 3000 renglo an rak kan khanghpiak bal i minung a Sing leng an rak kan thawldawi bal.
Nihin tiang Kawl ralkap nih rammi hriam ngeilo cung ah a phunphun harnak an kan pek i hi ralkap uknak a hrambawngh ding ah thisen in kan unau Chinmi nan sin ah kan dirti, tiah KNU nih October 30 ah an thanh.

Ralhrang nih Thantlang khua a khangh mi lehrulhnak ah U Ne Win tuupa tawlrel mi YBS motor an khangh ve. Nihin October 31, Yangon khua ah U Ne Win tuupa nih a tawlrel mi Omni Focus YBS-20 ti mi Yangon Bus Service motor pakhat cu aa cit mi pawl an tumter hna hnu ah Thantlang caah kan lehrulh tiin palangdur-mei in Yangon PDF nih an khangh.

Hihi Yangon khua Sinmaleik bus stop pawng, 10:16 AM ah a cang mi a si. Omni Focus General Services Public Co.,Ltd. nih hin YBS motor 500 hrawng an ngeih i U Ne Win tuupa Kyaw Ne Win(Aye Ne Win upa) nih a tawlrel mi a si, tiah Kamayut Media nih a langhter.

“Thantlang ca ah thisen leiba kan cham lai” ti in Yangon ah lam an zawh. Nihin Yangon khualipi ah mino hna nih, “Thantlang ca ah thisen leiba kan cham lai.” ti mi tlangtaar he au bu in Ralhraang dohnak lam an zawh.

“Salai Tin Maung Oo lungput he raldo uh” “Vakok hna he kan dirti”, “Chokhlei hna he kan dirti” timi cataar put pah in Mayangone peng chung ah Ralhraang dohnak lam an zawh.

Thantlang Inn kangmi Kong update (October 30, 2021 9am Myanmar Time). CDF-Thantlang nih atutiang ah Thantlang inn kangmi cazin an lak khawhmi cu a tanglei bantukin asi. Meikhu cu a um ngai rih nain a kang chap cuahmahmi inn cu a um ti rua lo tiin an cuanhning asi.

Ral karlak ah rianrang tukin lakmi cazin asi tikah a hrawnghrang deuh asi i (details in) a dik deuh lomi a um kho mi asi. Zunghmun Sang = 56, Market Sang = 52, Biakinn Sang = 30, TABC Sang = 22, Lungtial Sang = 3, Dihlak = 163

Online ah a leng ngaimi Thantlang Baptist Church (TBC) a kang timi hi a palhmi thawngpang asi, a kangmi cu TBC quarter asi. Thantlang ah a kangmi biakinn cu Church On The Rock (COTR) le Presbyterian Biakinn an si. GTRO nih inn kangh a tongmi pumpak le chungkhar dihlak kan in ngaihchiat pi hna.

Thantlang ka zoh ah ka celh lo. Hi kut-neh hi mizei fa hmanh nih an philh kho lai lo. Min Aung Hlaing le a Ralhrang hna tuahsernak hi ho fa nih dah a celh lai. Min Aung Hlaing rimnampawh. Hi Inn vialte a duah tu Ralhrang na caahcun a poi lai loin na ruah ko lai. na tein na techin fapar hna caahcun mangchia an manh zungzal lai.

Vawlei a hmunh chung hi tuanbia le nehnang hi philh a um ti lai lo. Kawl Ralhrang nih mipi caah zei ṭhatnak hmanh an tuah ballo caah a tuarzia kan thiam ko. Fir hei ti le mihrem tlaih hrem inn lo hrawh timi cu an training ah biapi ngai ah an ruah caah kan lau lem lo.

CHIMMI PHUN cu ṭhihpheihnak men in a zaammi Miphun kan si lo. Inn a duah tu hna phoih hi dam in ahohmanh an kir ti lai lo. An sivangh tukah an tuahmi a si. Eiding an nei tilo. An Rawl a ṭam an bu a hri. An ti a hal lengah an chuak kho tilo thihbawh in an um caah an sivangh lungin an tuahmi a si.

Cucu cung PATHIAN nih lehrul a kan champiak lai. Thantlang inn lo ngeitu hna Mitthli he kan i tuarpi hna kan celh ceo lo. Thantlang kan i zoh kho hrim lo. Par nolh tu zuam ko law. Aa zirhmi khua ah cang ṭhan ko law. BAWIPA nih in hnem hram hna seh. Vahui Tlerlung

Thantlang inn kaang kong ah CNF Spokesman Salai Htet Ni nawlnak bia. Thantlang inn kaang mi kong ah The Hakha Times in mizapi nan sin ah biatawi chim ka duh. Thantlang mizapi hi CNF/A kan dirhka in nihin tiang a kan dirkamhtu le nan thihnak ah kan thi lai, nan pawngte ah kan um peng. Kan in dirkamh hna, tiah nan kan ti mi bia nan tlinh.

Ralhrang nih nawlngeihnak an lak hnu kahdohnak ruang ah nan nunnak le nan innlo tampi ram le miphun caah nan pek fawn. Minung sinak ah tuar a har tuk hringhran mi nan tuar.

CNF/A le CDF nih hin thazaang le thluak kan ngeih khawh chung kan cawlcaang ko nain Thantlang kan mizapi le kan Chin mizapi kan in khamh kho rih hna lo. Kan ngaih a chia tuk. Rak kan ngaithiam rih ko ulaw.

Kan Biakmi Pathian nih hin a kan zoh sawhsawh ko hlah maw, titiang ka lung a a chuak (Pathian nih rak kan ngaithiam hram ko seh). “Hi leiba hi Ralhrang pawl nih a kan cham hlan tiang kan hal lai. Leiba kan cawh peng hna lai…”

CNA, CDF nan tha chia hlah seh.. Kan tei hrim hrim lai…Atu i inn an duah mi hi a dongh nak an thil tuah a si ko. Kan teite hrim hna lai., Cutikah Chinram i Ralkap Bawi pawl poahpoah hi CHiN Spy nih an thah viar awk si., Pakhat tete in kan thah dih hna awk si.

CNA le CDF kan in bochan tuk hna Bawipa nih in veng ko hna seh.kan um nak in thlaza kan in cam piak ko hna ee.nan thachia hlah u law.Bawipa nih tei nak a kan pek ko la ee. A khuapi ning zg in a kang men kho ko, teinak hmuh hlan chung kan in theihthiam hna. Pathian nih in hmang ko hna seh.

Lairam nih voikhatnak ton lawng asi rih, Kachin le Karen nih kum 50 leng an tonmi asi. Mi phun le Ram ca ah nun nak pek in kan ral a doh tu tu le fa nan cung ah kan i lawm tuk Pathian nih him nak dam nak in pe ko hna seh nan mah hmang in pathian nih kan ral a tei hrim hrim lai nan cung ah kan i lawm tuk. Pathian caan le minung caan cu ai dang tuk. Bawipa nih ai tinhmi um ko tha chia hlah uh CNA,CNF, Bawipa kan sinah um ko.

Kan ralkap hna vawlei thil nih cawk khoh lo mi nannun nak tu hi kan ui deuh mi si .Thawngchin u law raltha chin ko u, Ralkapbu Bawipa nih teinak inpe ko hnaseh. Bawipa nih TEINAK a kan pek hrim hrim lai..nun thaap in ram le miphun caah rian a ttuanmi nan dihlak cung ah kan i lawm tuk, Bawipa Pathian nih a thar in a thluachuah a let tampi in a kan pek hrim hrim lai.

Kan ngaihcha tuk hrinhran. Laimi asi mi poah kan celh cio lo. CNF,CNA le CDF Pathian nih lam in hruai ko hna seh. Thlacam kan in bomh peng hna. CNA CDF thlacam nak in siseh phaisa thazaang in kan in bawmh peng hna lai. Inn khangh nak in nan mah nan him kha bia pi asi. Zing nu thawng in kan tei tik ah kan sak than dih te ko hna lai.

Nan lung dong hlah uh lawm Kan Biakmi Pathian nih a kan Zoh sawhsawh lai loh.Pathian cu zei tik hmenh ah a tlai bel lo mi asi.Nan kal nan umnak tu ah Bawipa Rak au peng ve ko uh law tiah thazang pek kan in duh ve Hna ee Saya. Kan ralkap CNA/ F le CDF nan tha chia hrim hlah seh, Bawipa umpi mi miphun kan si, kan tei hrimhrim ko lai,thlacam kan in bomh hna.

CNA/CDF nan cawl cang tuk len ve ko nan mu a can phan rih lo i si nan tei hna can phan ve te ko lai munan thacjia hlah uh kan in bochen tuk ko hna ee Bawipa nih him nak le tei nak in pe ko hna seh. Thantlang kan unau hna nan lung dong hla uh mu can tha um te ko lai mi nung si nak in cun thin lung hi aket kuai ko e kan ral pi kan tei tik cun in tha le lo tha tu bawipa nih in pe than ko hna seh law.

CNF CDF mi Kam kha le mi holh chia ruang ah Hnung Nan tolh sual Lai ti ka phang .Nan thazang a der sual Lai ti ka phang. Nan lung adong sual Lai ti ka phang .in le lo cu a thar zalh than awk a tha .minung cu zalh than awk tha mi Kan si lo. Bawi pa nih ralhmai ah lam in hruai ko hna seh. him dam ten in kilveng zungzal ko hna seh mu. Kan chin ralkap, A pa 1 nak ah Kan Pathian I bochan dih ko hna uh si. A pa 2 nak ah CNF le CDF Kan in bochan tuk hna. Pathian Kan umpi ko mu.

Be the first to comment

Leave a Reply

Your email address will not be published.


*