Breaking News : Kawl Uico Ralkap Le Min Dat CDF An Ni Kap Cuah Mah Tthan Cang.

Tuzaan suimilam 6:30PM (Kawlram caan) ah khan Mindat khuapi chung, Bank hmai ah Ralkap le Mipi rungvengtu bu CDF-Mindat karlak raldohnak a chuak tthan tiah theih asi.“Tuzaan suimilam 6:30PM hrawng in Mindat mipi le Ralhrang karlak raldohnak a chuah tthan hi asi. Mindat khuapi, Bank zung pawng, a si i an i kahnak hi Police sakhan he aa naih te.

Lai Meithal, Bomb, Ralkap lei Miakpi thawngpang ti bantuk pawl zong kan theih cuahmah ko. Atu hi an i kap cuahmah lio a si ko” tiah khuami pakhat nih a chim hi asi.Kan hnu ah Mindat CDF le Ralkap karlak kahnak fak ngai in a chuak. Cu hnu ah kaphnih biaruahnak an ngei i biakam nak tete zong an tuah. A si nain Ralkap lei nih an tlaih mi hna an thlah hna lo ruang ah Mindat nih Ralkap he an biakamnak cu an hrawh colh ve.

Nihin ah khan Mindat lei nih “Ralkap nih an tlaih mi hna kan minung an tlah hna lo caah kan karlak biakamnak a rawk cang, a herh ning in kan i kap tthan lai” tiah thawngthanhnak an tuah. Mindat mino lei nih thawngthanhnak an tuah tlawmpal ah kahnak a chuah colh I,a tu hi an ni kap cuahmah ko tiah theih a si.

Credit The chinpost

Be the first to comment

Leave a Reply

Your email address will not be published.