Breaking News; KIA le MNDAA fonhti in MAH Batallion pa 1 an lak, ralhrang 100 hrawng an thi

KIA le MNDAA fonhti in MAH Batallion pa 1 an lak kho, ralhrang 100 hrawng an thi
==================

Shan ramkulh, Monekoe(မုံကို) peng,Monekoe hpaungsine(ဖောင်းဆိုင်) hmunhma ManKhuan(မန်ခွမ်) pawng kiang hmun ah Ralhrangbu le KIA/MNDAA phu fonhti in tu ni August 28 ah kahdohnak a chuak i Ralhrangbu lei in Ralbawi pa 2 an thi i, ralhrang 100 hrawng an thi tiah Kachin Local news nih Yangon Khit Thit Media sin ah a chim.

Mah hmun ah cun tu zing slm. 8:00 in 10:00 tiang voi 1, tu zaanlei slm. 4:00 in 7:00 tiang voi 2 nak kahdohnak faktaktak in a chuak tiah theih a si. ” Kan nih lei nih hriamnam a tam ngai kan lak kho. Ralhrangbu Batallion-525 le KIA, MNDAA fonhti mi phu i kahdohnak a si. Sah kah Sah-17 raldohnak hruaitu bawi cu hliamhma faktuk in a pu ca’h Helicoptar in tu zaan slm. 9:30 hrawng ah Lashio ah an kal pi cang” tiah Kachin local news nih Yangon Khit Thit Media sin ah a chim.

Karen ramkulh, Hpapun District (Mudaw) ah hmaitonh in kah ding ah a rak lut mi ralhrangbu le Karen ramri cawngtu(BGF) fonhti phu hna le Karen National Union(KNU) Brigade-5, Karen National Liberation Army(KNLA) karlak ah August ni 27 ah kahdohnak voi 6 a chuak i ralhrangbu lei in pa 15 an thi i pa 11 hliam an pu tiah KNLA ralbawi pa 1 nih Yangon Khit Thit Media sin ah fehter in a chim.

“Nizan Chun zong Zaan zong ah cun kahdohnak voi 6 a chuak. Ralhrangbu lei in Kha Mah Yah- 407 le BGF phu hna Thu Mwe Tha(သူးမွဲထာ) lei in umnak lam tthen in hmaitonh a rak chuak i mah hmun ah cun kan mah lei Batallion he kahdohnak voi 6 a chuak i KNLA lei in a nunnak a liam mi kan um lo tiah mah ralbawi pa nih a chim.

Cu bantuk thiamthiam in Ralhrangbu cu Muka, Talabat he a khuh mi ralkap Motaw 10 hrawng cu warbhoe(ဝါးဘို)lo in Hphapun khua lei ah August ni 28 zing ah an chuak tiah Karen hrihram ngei Salween Press ah a langhter. Crd. Khit Thit Media

Nizaan (August 27) Thantlang bomh puahnak hliamhma a pumi Pa Uk Lian Kam (kum 14) cu Hakha sizung pi ah a nun nak a liam. Thantlang ah a ruak an tlunpi lai. Pa Uk Lian Thang hi bomh puahnak in a nunnak a liammi Pu Hlei Bik i a fapa a si.

August ni 25 ah a chuak mi Thantlang khua chung kahdohnak nih a chuahpimi cu mipi pa 3 an nunnak a liam i pa 19 hliam an pu. A nunnak a liam mi pa 3 chung ah a kum a tling rih lo mi ngakchia pa 2 (Pa. Van Bawi Thang le Uk Lian Kam) hna an si. Crd. The Chin Journal

Be the first to comment

Leave a Reply

Your email address will not be published.


*