Breaking News; KNU Headquarters nih NCA hlonh in Federal Democracy hmuh lak tiang kan kal cang lai tiah cathanhnak a chuah

KNU Headquarters nih NCA hlonh in Federal Democracy hmuh lak tiang kan kal cang lai tiah cathanhnak a chuah
==============

Mahten dirkhawhnak nawl,tlukrual nak le federal democracy ngahkhawh nak ding tiang kan i zuam lai tiah KNU nih cathanh an chuah. Mipi hna nih ngahding mi Opportunity,Equality, mahten dirkhawhnak nawl le federal democracy ngahkhawh nak ding tiang kan i zuam Lai tiah KNU nih cathanh a chuah.Nihin September 21 International Day of Peace cakuat ah KNU nih a chim.

KNU nih tinhmi a tlamtlinnak ding caah minung hawi hna i nunnak,ngeihmi chawva thilri, an pum pawcawmnak ding caah le humhimnak ding caah zuamnak he riantuan mi mizei phu he poah hmunkhat ah rian kan tuan ti lai tiah cathanh an chuah. Cun ralhrang phu hna he a pehtlai mi ruahnak le riantuannak in i runvennak ding le a tlau khawh nak ding caah thazaang chuah in kan tuan lai tiah KNU nih forhfialnak a chim.

Kawlram tuanbia chungah humhim lo nak, thinphan thlalau nak, hramhram mithah lainawn nak cu rak ton zungzal a si, deihnak hmuhkhawh nak ding caah dawnkhan tu ruahnak zong rak ton a si. Atu bantuk ruahnak le tuahsernak cu hramchah in ngol a si lo ahcun, deihnak he i hlat rih a si ko lai tiah KNU nih kuatmi ca ah an telh.

Minung hna nih nunnak, ngeihmi chawva thilri, sianginn hna le pum pawcawmnak humhhngak in i runvennak ding caah an mah le phu hruaitu hna le mino hna phu fonhnak zong a herhtuk mi a si tiah KNU nih a chim. Cu ruangah minung hna i humhim lo nak le deihnak um lo nak a chuahtertu ruahnak le nunphung hna cu kilvenl dingah thazaang chuah a herh tiah KNU nih forhfialnak a chim.

Zumhawktlak Khuaruahhar Pathian; Elizah thlacamnak mei in a let tu kha van le vawlei sertu Pathian asi.Joshua le a ralkap ral a tei tertu kha van le vawilei nawlngeitu Pathian asi.Arabram (10)nih Israel mi an cihmih ding in an doh hna nain Ni (6) ah an ral a tei ter tu kha zumhawktlak khuaruahhar Pathian asi. Bawipa Jahovah Pathian bia ah hriamnam le mi tam thawng in asi lo.Keimah thawngin asi lai a ti.Chin mi ka Pathian hi Israel Pathian asi ve caah teinak zong Bawipa Pathian thawngin asi lai lungrual ten thlacam cio hna usih.

Chinmi bawmh le khamh ding ah zungzal a nungmi Pathian a um ko. Namber (1)ah chiah zungzal awk asi. Mipi ti sullam taktak cu mah le khua cio i upat hmaizah awktlak (bawi)mi khi mipi ti asi.Mipi ti nan tial theo hi adik mi bia asi lo adik mi taktak cu mi-pi kar lakah cafang tial ah mizapi ti a fianter caah mipi ti tial lo in mizapi ti in tial ding asi lai nan tial duh mi cu mizapi ti asi caah Laimi holh ten kan tial piak cang u. By Pastor. Khua Kung, The Chin Post

Be the first to comment

Leave a Reply

Your email address will not be published.