Breaking News; Kya In Seik Gyi peng chung ah KNLA nih Ralhrangbu Sakhan an lak

Breaking News; Kya In Seik Gyi peng chung ah KNLA nih Ralhrangbu Sakhan an lak
======================

Karen National Union(KNU) Brigade-6 raldoh cawlcanghnak ah Kyar IN Seik Kyi(ကြာအင်းဆိပ်ကြီ:) peng, Hkokkwar(ခုတ်ခွာ:) khua ah a um mi Ralhrangbu Sakhan hlun pa 1 a si mi Kalihkhi(ကာလိခီးစခန်း) Sakhan cu KNLA Batallion-17, Batallion cheu-1 mih August thla ni 26, tuzing 10:00 hrawng ah a lak tiah KNU Duupalayar District in thawng a thanh.

Mithalo Ralhrangbu hna cu a liam cia mi zarkhat chung mah Sakhan ah cun an umhmun an ser i KNLA nih a tuk i a lak lio ah BGF hna lawng an tang cang tiah theih a si. Mah Sakhan an tuk i an lak tik ah cun BGF nih leh than lo i an hnulei an kir than ca’h KNLA nih Sakhan cu fawi tuk in kan lak kho tiah Duupalayar District sin in kan theih.

KNU Brigade-6 hmun chung ah ralhrangbu, BGF fonhti bu hna le KNLA cu a luan cia mi ni hna chung ah hmaitonh in kahdohnak a chuak i ralhrangbu kaphnih in a thi mi le hliam a pu tu an tam tiah theih a si.

Mihrang ralhrangbu hna cu Karen National Union(KNU) uknak hmun chung ah tulio caan ah faktaktak in hmaitonh in kahdoh nak an ser i KNU Brigade-1, Brigade-5, Brigade-6 uknak hmun chung ah Vanlei in ral vanlawng in ngiatthlai nak an tuah lio a si. Crd. Khit Thit Media

CDF-Hakha le CDF-Zophei fonhti in ralhrangbu hna cu Hakha-Thantlang kar ah 2021, August ni 25 ah kah dohnak a chuak i ralhrangbu lei in pa 3 an thi. Ralhrangbu cu umhmun lonh in thazang a karh ter thluahmah ca’h kahdohnak faktaktak pehzulh in a chuak kho. Mipi hna zong mah le peng tlang cio CDF nih a chuah mi cathanh cu zulh ding ah thawng a thanh. Crd. Chinland Defense Force

Be the first to comment

Leave a Reply

Your email address will not be published.