Breaking News: Loikaw ah MAH Mytel company Zung bom an puah than i a rawk vial

Loikaw ah MAH Mytel company Zungpi bom an puah than i a rawk vial
=============

Karenni Ramkulh, Loikaw( လွိုင်ကော်) khua, Chike veng ah a um mi ralhrangbu nih a ngeih mi Mytel Company a onh nak zung inn cu August ni 26, tuzan slm.8:00 hrawng ah bom puah in an hrawh tiah thawng theih a si.

bom puah ruang i a rawk mi a nekcok tiang cu a tu ah kan thei kho rih lo. August ni 25, nizaan zaan slm. 8:00 hrawng zong ah Loikaw khua laifang Mingala veng i a um mi Mytel phone le thilri zuarnak dawr pa 1 cu bom puah in hrawh a si.

Yangon ramthen, Yuhzana OoYin khuapi lam 15(A) a um mi USDP party chungtel Ye Gyi ti mi pa cu August thla ni 26 zanlei ah Yangon Revolution Group(YRG) nih meithal in an kah i an kahnak hmun ah cun a thi colh tiah theih a si.

Mah USDP party chungtel Ye Gyi timi pa cu kyaymone tadica thawng dothlattu a si i veng chung ah kheng a tum mi inn hna cu a ngiatthlai hna i Ralhrangbu cu thawng a pe than tu a si. Crd. Khit Thit Media

Puta-o Peng KIA Lr Ralhrang I Kahnak Ah Ralhrang 15 Leng An Thi Kachin ramkulh Puta-o peng Lung Hsia Yang oksuh Tang Jia khuapawng ah nihin August 26 zanlei suimilam 5 hrawngah KIA le ralhrang i kahnak ralhrang 15 nak tam an thi tiah theih a si. Ralhrang tatyin pahnih khah-lah-yah 138 le khah-lah-yah 46 hna cu KIA no. 7 battalion nih an bawh i an kah mi a si. Ralhrangbu nih ruak an phurh mi hi 15 hrawng an si tiah khuami pakhat nih a chim.

Kaphnih in suimilam cheu chung hrawng hroamngan he fak ngaiin an i kap i, KIA lei an him dih tiah theih a si. I kahnak ruangah Tang Jia khua pawngkam khuami cheukhat hna cu Lung Hsia Yang khua lei ah an zaam tiah Lung Has Yang khuami pakhat nih a chim.Lung Hsia Yang oksuh chung hi ralhrangbu cawlcangh tamnak hmun a si i, KIA he kahdohnak zong a um lengmang nak hmun pakhat a si tiah KNG nih a ti. Crd. The Chin Post

Be the first to comment

Leave a Reply

Your email address will not be published.