Breaking News; MAH A thinhungtuk; KNLA nih a lak mi Sakhan lakthan ding ah BGF nawl a pek

MAH A thinhungtuk; KNLA nih a lak mi Sakhan lakthan ding ah BGF nawl a pek
===============

Karen ramkulh, Kyaikdon(ကျိုက်ဒုံ) peng chung ah Kyaik khua Sakhan cu KNLA Brigade-6 nih August ni 26 ah an lak khoh i mah sakhan cu lak than ding ah Karen ramri cawngtu(BGF) cu Ralhrangbu nih nawl a pek hna tiah local news sin in kan theih.

Nawl ngeihnak a la tu ralhrangbu i Nichuah chaklei command(Southeastern command) ah Rawlbawi a si mi ralbawi. Ko Ko Maung nih Kyaikdon khua ah a um mi Karen ramri cawngtu phu (Border Guard Force) Batallion- 1023 hruaitu ralbawibik. Saw Daw Daw cu raltuk ding ah timhcia tein a um ter i Kyaik Sakhan in hnu le khirh lo ding, kahdoh than ding nawl a pek hna tiah BGF he a naih mi pa 1 nih Local News Klo FM ah a langhter,

KNU Brigade-6 ralcawlcangh nak ah Kya In Seik Gyi (No Ta Kaw peng) chung um hmun an ser nak Sakhan pa (5) cu Ralhrangbu nih an kal tak i BGF hna cu zohkhenh tu ah an chiah hna. Mah Sakhan hna chung in pa(2) cu KNLA nih a lak lio ah Karen ramri cawngtu (BGF) nih leh than lo in dai tein an hnu lei an kir tak hna cu hmuh a si ca’h Sakhan lak than ding ah BGF cu Ralhrangbu lei nih nawl a pek nak a si.

” A pa 1 nak Kan chim ah cun Karen hriamtlai phu phu(4) lungrualnak kan ser mi kum 4-5 chung ah kan hlawh a tling tiah chim khoh a si. Mah le mah i kahdoh than nak hi cu a si kho ti lo mi dirhmun ah a si cang. Sihmanhsehlaw, ralhrangbu nih a phun phun in hneknak, phundang chim ah cun BGF phu hna cu thlahlawh an ei, Ralhrangbu duh ning in nawl an zulh. Mah ban tuk dirhmun in kan uknak hmun ah Ralhrangbu he fonhti in a ra a si tiah a chim.

A pa 2 nak ah cun kan nih nih lam kan onh piak hna. BGF phu lei nih ralhrangbu nawl zulh lo ding, fiang te chim ah cun pakhat khat luatnak lam kawlnak lam cu kan nih KNU lei nih kan onh piak mi a um tiah KNU Brigade-5 Spokesman Pa Do Man Man nih Yangon Khit Thit Media sin ah August ni 26 ah a chim.

Atu lio caan ah Kyaikdon peng ah Mihrang ralhrangbu nih ralkap thazang tampi an karh ter i KNLA a lak mi Sakhan hna cu lak than ding ah kahdohnak a chuak kho tiah KNU he a naih mi local news nih Yangon Khit Thit Media sin ah a chim. Crd. Khit Thit Media

Be the first to comment

Leave a Reply

Your email address will not be published.


*