Breaking News: MAH Kuttang Rian Tuan Tu Pa An Thah

Breaking News: Tuni Bak Ah Min Aung Hlaing Kuttang Pa An Thah Alungrethei Tuk Cang. Tuni bak ah khan Ralbawi pakhat Hlakphak coffee adin lio ah an thah colh i Sagaing Kant Balu District Kyunhla khuapi ah,

tuzing ralbawi pakhat lakphak an ding i lakphak an din lioah bomb nih apuah hnawh i ralbawi pakhat anunnak alaim cun khuami pakhat zong athi ve i minung 3 ahleiin hliam hma an tuar tiah theih asi. Ralbawi athih hnuah nifatin thah thluahmah an si ko cang tiin Khit Thit Media nih cun avan langhter. Ref. KTM

Thantlang Ah A Ummi Ralkap Sakhan Cu Ralhrang Nih An Chuah Taak Cang: Chin state ah a ummi Thantlang vawlei ah a ummi Vuangtu khuate i ralkap sakhan cu ralhrang nih an chuah taak cang tiah theih a si. Ralkap phurtu helicopter nih mah cu ralkap sakhan ah duty a tla liomi ralkap hna cu a rak thiar hna i an zate in ai tlungpi hna tiah khuami hna nih an chim. Cun mah cu sakhan ah an eidin caah tiah ralkap nih an zuatmi vok pawl le fangfak te hna cu khuami caah an chiah hna i an kal taak hna tiah khuami nih an chim.

Mah hi ralkap sakhan ah hin ralkap 8 hrawng lawng an tang cang i an nih cu khuami hna he neihniam tein a ummi ralkap a ttha ngaimi an si hna tiah khuami hna nih an chim. A tu lio kawl ram a buainak ah Chin state mipi hi kawl ralkap caah cun ral bantuk an si hna nain hi sakhan ah a ummi ralkap hna cu khuami cungah an ttha ngaingai hna tiah theih a si. Zei ruangah dah an sakhan cu an chuah taak timi hi an langhter ti loh tiah theih a si. Reference: Myanmar News

Be the first to comment

Leave a Reply

Your email address will not be published.


*