Breaking News : Mi Zei Ti Theih Lo Nih, Ralkap Airport (2) Cu Rocket In Sawp Dih Lak In An Kah Cang.KIA Lung Hrinh An Si.

Nihin April 29, 2021, zing deihlan deuh ah Myannmar Airport (Air bases) pahnih cu mizei hriamtlai ti theih lomi nih Rocket le Miakpi in an rak kah cang tiah Channal News Asia nih a langhter.an ruah damh nak ah cun, KIA an si lai tiah an chim.A ruang cu KIA hruaitu pa Buchoh Gun Maw kha naite ah US a tlawng i,hriamnam ttha a rak cawk lai tiah zumh asi.

“Nihin zing tuah te ah khan Magway ah a um mi Airport ah puah keh thawng fak ngai in theih hmasa a si. Mizei ti theih lomi nih Airport cu Rocket in an rak kah hi a si” tiah Delta News Agency nih a chim. Magway khuapi chung Airport an rak kah hnu in Security lei nih cu vanlawng hmun lam vialte cu an phih dih colh.

Magway Air base an kah hnu tlawmpal ah Meiktila Air based zong an rak kah tthan ti a si. “Magway Air base puah kehnak a um hnu tlawmpal ah Meiktila hrambunh Air Based ah Rocket voi (5) bak an rak kah tthan tiah Asian Channel News nih cun a langhter chap.

Hi Ralkap hummi Vanlawng hmun kahnak ah mizei phu hmanh nih kan mah kah mi a si timi thawngthanhnak an tuah rih lo. “Hi kong he pehtlai in Ralkap lei chimrelnak nawlngeitu phone kan call colh ko hna nain phone an tlai lo, ralkap lei thawngpang kan hal kho hna lo” tiah Asian Channel News nih cun a langhter chap.

Nihin April 29, cu hmunkip ah thawngpang chia lawngte a si cang. Hakha ah Pu Ngun San Aung umnak inn Bomb a puak, Cun Bago ramthen ah Ralkap hriamnak chiahnak hmunpi a kaang ti asi. Cu pin ah Ralkap hum liomi vanlawng hmun pahnih bak Rocket in rak kah a si rih. Ralkap caah thawngpang a chia cuahmah cang ko.zei ti awk ttha mu.

Ctrdit : Delta News Agency

Be the first to comment

Leave a Reply

Your email address will not be published.


*