Breaking News; Min Aung Hlaing nih Chindwin Tiva ah Ralkap Tilawng Hman ding nawl a chuah cang

Min Aung Hlaing nih Chindwin Tiva ah Ralkap Tilawng Hman ding nawl a chuah cang
===========

Sagaing Ramthen, Burma ram ah a pa 2 nak a ngan bik mi Chindwin Tiva chung ah mithalo ralhrangbu nih hriam tlingte in bunh mi Tilawng Ralkap hman mi Speed Boat cu hman hram an thawk cang.

Mah Speed Boat cu August thla zarh hnu bik in Monywa khua in hman hram an rak thawk a si. Tilawng ralkap hman Speed boat cu September ni 1 in Northwest Command Ralbawi i Kani(ကနီမြို့) khua khualtlawn nak ah ti lei himvenak ca’h an hman a si. Atu bantuk tilawng ralkap hriamnam an hman cu Chindwin tiva chung ah a voi 1 nak a si tiah theih a si.

A luan cia mi August thla chung ah Kah Sah Thah. rawlbawi le Northwest Command Ralbawi hna i MinKin peng khualtlawn nak ah khuachung um Buesawhti, Ralkap dirpi tu hna he an i ton i Tiva velchum ah ralkap tilawng hna cu chiah piak a si lai tiah USDP party M.P hlun Mg Myint nih a mah social media hmai ah ca a tar.

Chidwin Tiva chung ah Kani, Min kin peng hna ah PDF le ralhrangbu cu atu le atu kadhdohnak hna zong a rak chuak. Tuan deuh ah cun ralhrangbu nih tilawng sawh sawh a hman ko natein atu ah cun Ralkap tilawng hman hram a thawk cang. Fehternak tuah kho lo mi thawngpang he pehtlaih in Chindwin Tiva chung ah Speed Boat pa 20 hrawng an chiah lai tiah theih a si. Crd: Khit thit Media

Vice Senoir General Soe Win Russia ah a kal, thlathum chungah ralhrang bawi minung pathum Russia ah an kal Deputy Commander-in-Chief of the Armed Forces,Vice Senoir General Soe Win cu Russia ramah nihin September 1, zinglei ah a kal tiah ralhrang phu thawngzamhnak nih an langhter.Cu cathanh chung ahcun Russia Minister of Defense nih a sawm caah ramkip ralkap hna thiamnak zuamnak phih ni ceremony ah tel ding in tiah an langhter.

Hi khualtlawnnak ahcun ralkap lei,mipi lei rianngeitu hna he tonbiaruahnak zong a um lai. Deputy Chief he hmunkhat ah Lieutenant General Aung Soe le Army Officer hna zong an i tel.August thla chungah tuahmi ramkip ralkap hna thiamnak zuamnak caan honnak ceremony ah ti ralkap,van ralkap Coordinator Buchohgyi Mawng Mawng Aye cu a kal i ceremony phih ni ahcun Deputy a kal nak hi a si.Cu ruang ah nawlngeihnak an lak thla 7 chungah Russia ram ah ralbawi hruaitu lei in minung 3 an phanh nak hi a si.

Min Aung Hlaing cu a luancia June thla chung Russia ram ah caan sau caam in a rak kal bal cang.Cu ruang ah thlathum chung ah Commander-in-Chief of the Armed Forces, Deputy Commander-in-Chief of the Armed Forces Army,Navy,The military le Coordinator hna Russia an phak nak hi a si.Kawlram ralhrang hruaitu hna Russia tlawnnak a ruang cu hriam cawk nak kong leng ah ramkip nih lungtlin pi nak a um ti langternak ah a si lai tiah ruah nak a um. Crd. The Chin Post

Be the first to comment

Leave a Reply

Your email address will not be published.


*