Breaking News: Min Aung Hlaing nih kan Unau Kachin Baptist Convention tonbiaruah ding ah a auh

Min Aung Hlaing nih Kachin Baptist Convention tonbiaruah ding ah a auh
=====================

Kachin Baptist Convention(KBC) nih thlacam cathanh nak ah biafiang hman ning he pehtlai in i theihthiam lo nak cung ah Ralhrangbu he ton bia ruah ding le phishin ding ah emergency(ruah lopi in) meeting tuah in biachah nak kan tuah lai tiah KBC tuanvo ngei tu nih a chim.

A luan cia mi August thla ah KBC nih thlacamnak cathanh pa 1 cu a thanh i Kachin holh in Pakhat duhnak lawngin uknak(dictatorship) tiin a tial mi cu Mithalo Ralhrangbu(အကြမ်းဖက်စစ်တပ်) tiah nan hman tiah Ralkapbu lei nih a ruah ca’h mah cu remnak ser i tawlrel nak tuah piak ding ca’h ralhrangbu nih thawng an rak thanh tiah KBC tuanvo ngeitu pa 1 nih a chim.

Sihmanhsehlaw Kachin Baptist Convention nih Ralhrangbu he i ton i phisin/tawlrel ding cu Kachin Baptist Convention chung ah a duh lo mi le a lung tling lo mi an um caah ruah lo piin meeting kan tuah lai tiah tuanvo ngei tu nih a chim.

” President hna Secretary hna cu kum 4 voi 1 in mipi ni thim a si. Hruaitu pawl an i ton hnu lawng in mah thil kong pehtlai in biachah kho a si lai. Va kal in i ton ding cu Executive Committee lawng nih biachah a ngah lo, uknak dirhmun kan kal a herh cang tiah KBC President nih BBC sin ah a chim.

Atu ban tuk in Ralhrangbu le Kachin Baptist Convention(KBC) i ton ding ah lung i khah lo nak he pehtlai in Daihnakbia Sertu Bu(Peace-talk Creation Group) zong nih kan kar lak ah remhchunnak an kan ser ko tiah KBC tuanvo ngei tu nih a chim. Crd. BBC

Be the first to comment

Leave a Reply

Your email address will not be published.


*