Breaking News; Min Aung Hlaing Nih Minthang Minung 4 A Chuak Hna Lai Timi Kongah!

Myanmar's commander-in-chief Senior General Min Aung Hlaing talks to journalists during a press conference of the 11th ASEAN Chief of Defence Forces Informal Meeting in Naypyitaw, Myanmar, Wednesday, March 5, 2014. (AP Photo/Khin Maung Win)

Min Aung Hlaing Nih Dr. Thet Thet Khaing, Man Nyein Maung, U Thein Nyunt Le U Khin Maung Swe Rian In An Phuah Hna Ti Si Cang!
==============
Min Aung Hlaing nih February 1, 2021 ni thawk in uknak hramhram in a lak hnu ah reng sang a pekmi hna Attorney U Thein Nyunt, ramkhel lei U Khin Maung Shwe, Man Nyein Maung le Minister of Rescue Dr. Thet Thet Khaing hna cu an rian in dinhnak an pek cang hna lai, tiah Nay Pyi Taw hrambunh thawngzamh pawl nih an tarlangh.

Ralhrang phu nih August 1, 2021 ni ah ralhrang nih uknak hramhram in an lakmi cu hrawk loin The caretaker government cu an serchuah than hnu ah a ralai mi zarh chungah dinhnak caan kan pek cang hna lai tiah Nay Pyi Taw um bawi pakhat nih a chim chap.

Dr. Thet Thet Khaing cu August 1, 2021 ni ah rian dinhnak ca an tial ternak kong, caan karlak ah anmah zung Department ah meeting zong a kai rih ko, tiah ralhrang lei thawngzamh nih cun an langhter ko nain Dr. Thet Thet Khaing aiawh ah aho dah an thim than te lai timi cu bawi pakhat nih MPA sinah a chim.

August 1, 2021 ni chungah Min Aung Hlaing nih a thlen hi a si, tiah thawngtheih a si. Ralhrang thithruainak cu a dongh hlei lo Caretaker Government serchuahnak ding caah hin hnatlak lonak tete zong a um, tiah theih a si. Cun, upadi lei he zong pehtlai in a tlak lonak tete zong a um. Reng sang pakhat nih hi kong he pehtlai in thawng fiang zong tha tein theih khawh a si rih lo, tiah a langhter rih. Dr. Thet THet Khaing cu NLD cozah chan lio zongah palai pakhat a rak si i, party phungbuar ruangah chuah a rak si cang.

People’s Pioneer Party cu a rak dirh i, Chairman dirhmun ah a rak i chiah. 2020 thimnak lio zongah Mayangone Township, Pyithu Hluttaw palai in a rak zuam nain teinak a rak hmu lo. Cu bantuk thiamthiam in Man Nyein Maung zong Karen National Union (KNU) central committee member a rak si i, U Thein Sein cozah chan lio ah Thonginn in a rak chuah hnu ah ralhrang bawi U Aung Min, U Khin Yee; U Aung Thaung and Letpun Tati hna naihniam tein a rak ummi a si.

U Thein Ngunt hi a hlan chan NLD party lutlai ah a tel ve nain ralhrang nih 20210 thimnak an rak tuah hnu ah NLD party he lungtlin lonak a um ruangah Daw Aung San Suu Kyi le NLD party soisel in a rak um hnu ah ralhrnag lei ah a dir thanmi a si. Cu bantuk thiamthiam in U Khin Maung Shwe zong 2012 kum thimnak, 2015 kum thimnak le 2020 thimnak ah Union Solidarity and Development Party lei aphunphun in a rak bawmhchan hna i, a rak dirkamh hna, tiah ramkhel lei thiam sang tampi nih an chim ve.

Be the first to comment

Leave a Reply

Your email address will not be published.


*