BREAKING NEWS: Mizoram Um Chin Mi Nih Ralrin Tatak Aherh

Mizo ram Aizawl khua pi ah Kawl ral hrang nih mi ngia tu ding in a tu hi minung paruk hrawng bak an thlah hna ti a si. Cu ca ah Aizawl a um mi nih cun um sawh sawh loin Kawl ral hrang nih an thlah mi hi aho dah an si i mi zei dah an si timi hi daithlang lo tak in ngiat khawh cio i zuam hna u sih.

Ral hrang nih thlah mi a si ttheu lai ti in lung hrinh mi poh cu ttha tein ngiat colh ding, tlaih colh in ttha tein bia hal colh ding. Nan theih hna asi ah cun atang lei ah hin rak chawnh uh tiah minung pakhat nih alangter. Aizawl ah uico ral nih mi ngia thlai ding mi 6an fial hna ti asi Nan thei hna ah cun 9362641451rak call cawlh u.

Kan ram buai ruangah Mizoram ahhin Chin ram a chuah tak tam u cu um asi, Mizoram District kip ah kan um hna. Hi chung ah hin Chin MP hna zong an I tel ve. Mizoram I kan um ko zong hin atu bantuk in mingai tu spy kawl ralhrang hna nih an thlah hna tikah ralrin ngai ngai ahau ko.

Cun Mizoram in Laitlang lei ah atlungkal pah lengmang mi ca ko ah hin ahlei in ralrin kan hau. Mizoram chungah cun Ralhrang nih zei ti ngai ngai ti khawh nak cu an ngei lai lo nain, kan um kal ning le kan thut dir ning, cun Laitlang lei thilri le ei le din kan lut pi ning, cun kan chungkhat lai lei ah aum rih mi hna caah hin har nak an pek kho hna.

Cun Mizoram ah aum mi cheu khat cu Kawl ralhrang nih an chuah mi Myanmar military product, Kuak, Zu, Beer hna azuar mi zong an um ve. Tlangcung mi adang nih cun ralhrang thil chuah mi cu ahrawh in an hrawh lioah hi bantuk thil azuar mi hna hi cu ralhrang lei ttang zong an si kho.