Breaking News; Myingyan ah Zero-Guerilla phu nih bom chiah in Ralhrang pa 6 an thah

Myingyan ah Zero-Guerilla phu bom chiah in Saikal a cit mi Ralhrang pa 6 an thah
=============

Mandalay ramthen, Myingyan peng, yone htoe- htein paan(ယုန်ထိုး-ထိန်ပန်) lampi ah Motaw Saikal pa 3 in lam ven i chawhhnawh mi Ralhrangbu hna cu Zero-Guerrila phu nih tuni September ni 13, zanlei Sml. 4:45 hrawng ah bom in an puah hnoh ca’h ralhrang pa 6 an thi i Saikal pa 3 a rawk tiah Zero-Guerilla phu nih cathanh a chuah.

Ralhrang pa 10, Saikhal pa 5 a cit mi hna lak ah, A tang mi Saikal pa 2 in ralhrangbu pa 4 cu an luat ikap hnih in kahdohnak a chuah rih tiah Zero-Guerilla phu nih cathanhnak a chuah tiah theih a si. Crd; Khit Thit Media

Tedim Palek nih Cycle he a chawk mi hna an kah ruangah pakhat a nunnak a liam, 2 hliam an tuar. September 11 zaan suimilam 9 hrawngah Tedim, Myoma palek riahbuk hmai ah cycle he a chawk mi hna cu palek nih an kah hna i pakhat a nunnak a liam pahnih hma an pu tiah theih a si.


Palek riahbuk hmai ah cycle he an chawk mi cu palek nih nan dir lo cun kan kah hna lai tiin an dir duh lo ruangah an kah. Pakhat a nunnak a liam, nu pakhat a phei ah an kah. Pa pakhat cu a ke ah zun 2 in an khen tiah khuami pakhat nih a chim.

Palek nih an kah ruangah a nunnak a liam mi pa hi Gawngmual khua mi a si i, a ruak hi September 12 ah an khua ah tlunpi a si. September 4 ah khan Tedim, Myoma palek duh-ye-ok pakhat cu kah a si i, kan hnu August thla zongah Myanmar Economic Bank vengtu palek 3 kah an si.

Sagaing ramthen,Kani peng, Winmana (ဝင္မနား)khua palik sakhan cu Kani PDF-1 le Myanmar Defence Force phu hna doh in mipi lei ah tan ding in le mipi lei ah dir ding in ruahnak pek nak a um nain, cohlan nak a um lo caah kaphnih kar kahdohnak a chuak tiah theih a si.

September 12, zaan suimilam 10:00 in kahdohnak a chuak i, zaantim suimilam 12:00 hrawng ah ruah a sur caah kahdoh nak ngol a si. September 12,zinglei suimilam 9:00 ah kahdohnak a chuak than, chunhnu suimilam 1:00 hrawngah ralhrang phu hna nih vanlawng(ဂ်က္ေလယာဥ္) hmang in van lei dohnak he bawmtu minung an thlah tiah an langhter.

Ralhrang phu hna nih van lei dohnak in an kah hna caah Kani mipi vengtu phu khomh hna cu kahdohnak ngol in hnu ah an tolh tiah theih a si. Vawlei lei ralhrang phu lei in minung 3 nak tlawmlo an thi, PDF phu fonh in minung pakhat hliam a tuar tiah an cathanh ah an langhter. Crd; The Chin Post

Be the first to comment

Leave a Reply

Your email address will not be published.


*