Breaking News: Ni Hin Rangoon Khuapi Cu Ral Tuk Nak Hmun Ah A Cang Ko.Ni Khat I Minung Mah Zat Zat Thih Cu Zei Tin Dah Ka Ni Hngilh Khawh Lai E.

Ni hin March 14 i Rangoon khuapi chung Myone kip ah, a thi mi hna cu, an tamtuk ko cang.Mipi sandah a piak mi hna cu kawl ralhrang hna nih an kah hna caah minung (50) reng lo an thi i, a hlaim mi zawng tamtuk an um cang tiah RFA News nih cun a langhter cang. Hi bantuk thihnak hi, sandah piak ni thawk in a um bal lo i, ni hin hi minung a thi mi, an tambik ni asi tiah a chim chap.

Minung A thi mi hna le an umnak Myone cio hna cu..(1) Hlei Ta Ya..30.(2) Tinkanchun ah ..6, (3) Shwepyita ah ..3, (4)South Dagon..(3), (5) North Dagon ah..1, (6) SouthOhkala ah ..1, (7)Hlei ah ..1, (8)Insein ah ..1,(9)NorthOhkala ah ..2, (10)Gyimintei ah ..2 ,le (11) Tamuai ah.. 1, an thi tiah theih asi.

Nikhat chung i hi zatzat minung thih hi, lungrawk tuk siko. kan biak mi kan pathian nih akan kaltak ko cang rua tizawng in ruahsual khawh si cang. Mah lengah hin meithal in an kahnak hna hmun hi,ka dangdang zawng ah a um len caah,a thi mi hna hi mahnak hin an tam deuh kho tiah an chim. Min Aung Hlaing hi a thih silo ah, faktuk in zawtnak a ngeih silo hmanh ah, hremnak faktuk in a tuar hmasa lawngah a dai kho mi asi tiah an chim.

Mi thi hna lawng silo in, Factory (China ) ta cu faktuk in a kangh caah,China Ambassador (Rangoon) nih cun, Report a tuah hna i, a khangtu cu hremnak fakpi in peding in a ti hna tiah an chim. Ralkap nih mipi an puh hna i, Mipi nih Ralhrang hna an puh ve hna tiah theih asi. mipi nih cun,China cozah nih kawlram mipi hua hna seh tiah a duh caah a anmah ralhrang pawl nih an khangh mi asi tiah an chim ve. Hi konglam he pehtlaih in china cozah cu a thinhung ngaingai ti si.

Ralhrang hna nih inn an khangh mi le thilri an hrawh mi hi a tam tuk ko cang.Nihin buainak ah hin mipi lei a thi mi hna hi fiang tein theihkhawh an si rih lo i, a hliam mi zawng theih khawh an si rih lo tiah an chim.Ni hin Rangoon khuapi chung thil cang mi cu ngaihchia tuk siko.

Credit : RFA

Be the first to comment

Leave a Reply

Your email address will not be published.