Breaking News; November 9, AA Le Ralhrang Karlak Ah Kahdoh Nak Achuak

Ni hin Nov 9 ah Rakhine ramkulh Tamanta khua le Yinyoynga khua karlak ah Rakhine ralkap AA le Kawl ralhrang pawl an I kaap tiah khua mi sin in thawng thei asi. Rakhine ralkap AA le kawl ralhrang hna kar ah kahdoh nak hi 2020 thawk khan an ngol I atu hi avoi khat nak kahdoh nak an ngeih than asi tiah khuami pakhat nih cun achim.

Nihin sml:11 leng hrawng in meithal thawng le bomb le hriam ngan thawng kan theih. An I kah chung hi sml: cheuchung hrawng cu arau lai tiah Yangon khit thit media sin ah khuami pakhat nih cun achim chap. Cun khuami adang pakhat nih cun kawl ralhrang hna nih AA umnak hmunhma ah an rak lut I an khah hma sa hna caah atuban tuk in kahdoh nak achuah hi asi tiah achim ve.

AA chimphuan nak nawl ngei tu Khine Tuhkhah sin ah Yangon media nih kahdoh nak kong he pehtlai in biahal nak ang ngei ko nain zeitluk fak indah an I kah timi thawngfiang in chim nak angei rih lo. Source: khit thit media

Chinram chung thawng pang: Atu hi a voi 4nak inn a kaang asi cang i atu hi akangh cuahmah than; Thantlang ah Ralhrang nihba voi 4nak inn an khangh i a kaang cuahmah than, inn zeizat a kaang ti cu hngalh khawh a si rih lo. A kanghnak hi Seihpiozi sang Hai Mang Nunzia Remhnak Hall lei deuh ah khin si dawh a si. Atu 9:20 PM tiang. a kangh ning zoh tik ah inn 2 hrawng si dawh a si,” tiah a langtlang in a hmu mi pakhat nih The Hakha Times ah a chim.

Hakha GTI pawng Kahdohnak ah SAC Palik 7 Thi tiah CNF nih Chim Nihin (Nov. 9) zinglei sml. 6:00 ah Hakha GTI pawng ah hmun a khuarmi SAC ralhrang palik pawl cu CNA le CDF nih an kah hna i, palik 7 an thi, tiah CNF chimnak nawlngei Salai Htet Ni nih a chim.

Minung 7 an thi. Naitan Falam in a rak kaimi SAC ralhrang lak ah aa telmi palik pawl an si. CDF le CNA nih zinglei sml. 6:00, an hmai an i phiah lio ah kan kah hna,” tiah Salai Htet Ni nih People’s Spring sin ah a chim. A hmai aa phiah liomi SAC ralhrang palik pawl an kah dih hna hnu ah CDF le CNA ralkap pawl cu an umnak hmun lei ah him tein an kir kho tthan, tiah a chim chap.

Cun Nihin November 9 zaanlei 6:15 PM hrawng ahkahn Matupi in Mindat lei ah Kawl ralhrang pawl motor 70 hrawng in an kal. Lampi ah CDF-Mindat nih an rak phomh hna i a thi mi zat le hliamh mi zat belte a finag rih lo. Credit the hakha times

Be the first to comment

Leave a Reply

Your email address will not be published.


*