Breaking News; NUG nih United Nations cu Rinhchanawk a tlak hrimhrim lo tiah cathanhnak a chuah cang

NUG nih United Nations cu Rinhchanawk a tlak hrimhrim lo tiah cathanhnak a chuah cang
==================

Democracy aiawh in karlak remnak ser paik ding le Mithalo ralhrangbu i ram mipi cung ah kahdohnak cu kham/kilven dingah ramkhel kong le ramkhat le ramkhat i chonhnak lam in tawlrel kho lo ca’h Vawlei cung ram hna cu rinhchanawk a tlak lo tiah National Unity Government(NUG) nih tuni September ni 13 ah cathanhnak a chuah.

Ram cheukhat nih phungning tein sawmnak in Mithalo ralhrangbu cu Ram pumpi ton biaceihnak(meeting) ah kai nak caan tha a hmuh i, ralkap hriamnam kong le Chawlehnak hnatlaknak a ngeih hi cu Ram mipi nih an thim mi NUG Acozah i phungning tein Acozah a sinak cu a donkhan tiah NUG nih cathanhnak a chuak mi chung ah a tel.

Ralhrangbu nawlngeihnak a lak hnu thla 7 chung thil sining cu zohthan tik ah Ram miphun vialte pakhat ah lungkhat ah fonhnak le tuantinak hna nih ralkap nawlngeihnak lak le buainak hna cu a dongh ter lai ti cu a lang ko tiah NUG Acozah nih a chim.

Ram chung um mipi vialte nih Ralkapbu uknak cu pehzulh in dohthlennak tuah a si lio ah Ralhrangbu nih tthatlonak a tuah mi cu a sang i a tam chinchin mi cu hrial khoh a si lai lo tiah NUG Acozah nih a chim rih fawn.

Ralhrangbu cu a hram in rawk tiang in dohthlennak tuah le Federal Democracy sernak ding caah mipi hna nih NUG Acozah he tuanti ding ah mah cathanhnak ah cun a forhfial hna mi cu a si. Crd; Khit Thit Media

Hakha Khuathar, Carson Biakinn Hall tang ah ttamhnak dawr a tuahtu Nu Sung Sung le a naunu cu nihin chun ah SAC ralhrang nih an kalpi hna. Khuami pakhat nih, “SAC ralhrang nih an dawr ah an kal hnawh hna i an um lo. An inn ah an vung fuh hna i an tlaih hna,” tiah a chim.

Zei ruang ah dah an tlaih hna timi fiang in theih a si lo. Nu Sung Sung te hi Carson Biakinn Hall tang dawrkhaan ah ttamhnak dawr “Beauty Salon” a tuahmi an si i, Pu Ram Thang inn tangdot ah innhlang in a ummi an si. Crd; The Chin Journal

Be the first to comment

Leave a Reply

Your email address will not be published.


*