Breaking News: Pale People Defense Force Nih SAC Ralhrang 30 Leng Bom An Puah Hna Than

Pale People Defense Force (PPDF) nih tuni (Oct 10 ) ah ralhrang cu voi 3 bomb in an puah hnawh hna i a tlawm bik 18 an thi tiah theih asi. Sagaing ramtthen Pale pengkulh Lawngpian lamkual pawng ah Saikel in a rak rami ralhrang pawl cu October 10 (tuni) zing suimilam 9 hrawng ah Bo Nagar hruaimi Pale People Defense Force (PPDF) nih bomb in an puah hnawh hna i ralhrang 6 an thih pin ah Saikel 3 a rawk dih tiah PPDF nih a thanh.

Cu Saikel hnu lei in a rak i zulmi ralhrang nih an i citmi Express motor zong Bomb nih a puah i ai let nain ralhrang zeizat an thih ti belte PPDF nih fiang in theih khawh asi rihlo.

Cu a dih hnu tuzing suimilam 10:45 hrawng ah Pale peng Tazetgan lam tthen pawng ah Ralhrang palek motor pakhat cu PPDF nih bomb in an puah tthan i ai citmi palek an dihlak in an thi. A tlawm bik minung 12 an si lai tiah theih a si. PPDF nih cun October 10 (tuni) ah a tlawmbik 18 an thah cang hna i Express motor he telh cun ralhrang timi 18 nak tam an si hrim lai. TFT

NSPNC le ramkhel party cheukhat tonnak an ngei: Ralhrangbu nih a dirhmi National Solidarity and Peace-making negotiations Committee (NSPNC) le ramkhel party cheukhat cu Oct 9, tuni ah Naypyidaw ah tonnak an ngei. NSPNC nih a sawmmi ramkhel party hi 30 hrawng an si nain aa tel kho lomi an um pah tiah theih a si.

Arakan National Party (ANP) hruaitu pakhat a simi U Tun Aung Kyaw nih cun โ€œBiachahnak timi cu hmaiton biaruahnak a um hnuah tuah ding a si. Cu bantukin kannih zong Central Excutive Committe-CEC biachahnak lak dingin caan a rau deuh ding a si. Cu pinah party hruaitu cheukhat khual an tlawn lio a si.

Cu caah tutan tonnak ah ANP cu kan i tel kho loโ€ tiah a chim. Shan National Devolopment Party zong nih kan kai kho lai lo tiah an chim.NSPNC cu ralhrangbu nih tukum February thla ah a dirhmi a si i Bochohci Ya Pyih nih a hruaimi rlahrangbu daihnak tuahtu committe a si.

Tutan tonnak hlan ah hin NSPNC cu Arakan Liibration Party (ALP), New Mon State Party (NMSP), Developted Karenni Buddhist Association (DKBA) le KNU/KNLA-PC hna he tonnak an rak ngei cang.

Be the first to comment

Leave a Reply

Your email address will not be published.


*