Breaking News; Paung peng ah fa a pawimi nu Ralhrang nih thi lak an kah

Paung peng ah fa a pawimi nu Ralhrang nih thi lak an kah
================

Mon ramkulh, Paung(ပေါင်) peng, Katite(ကတိုက်) khua AungthitSa Mittar(အောင်သစ္စာအောင်မေတ္တာ) veng ah nizan zaan slm. 10:00 lonh hrawng ah ralhrangbu nih Fa 1 a ngei mi nu naupawi Ei Thwe Moe cu thi lak an kah i a vapa zong meithal nih a khen mi ceingai in hliam a pu ca’h siizung ah chiah a si tiah khuami sin in kan theih.

September ni 1, zaan slm. 10:40 caan ah fa 1 a ngei mi nu naupawi Ei Thwe Moe cu Zaan ah nga tlaih a chuak mi a vapa Min Nay Lwin cu inn hmai pawng, inn in a hngah i, a vapa a rak tin lio ah ralhrangbu zong an rak phan i nuva pa 2 cu meithal in voi 10 leng an kah i fapawi Ei Thwe Moe kum 27 cu mah hmun ah cun a nun nak a liam colh i kum 29, a vapa tu cu a hnakhaw ah kuan nih a khen i siizung ah a thlop lio tiah theih a si.

” kah a tong mi Ei Thwe Moe cu kum 4 ngakchia ngeih mi nu a si i naupawi nak thla 5 a si. Zaan ah nga tlaih a kal mi a vapa cu inn ah a hngah ngam lo caah innpawng inn in a hngah a si. A vapa inn a phan caah, an nu a va don hnu inn an tin lam ah voi 10 kah an tong. Naupawi nu cu mah hmun ah a nunnak a liam. A vapa cu hliam zual ngai in siizung a phan tiah khuami pa 1 nih Yangon Khit Thit Media sin ah a chim.

Ralhrangbu nih ram pumpi sualnak ngei lo mipi a thah hna cu tu tiang ah mipi 1000 reng lo an thah cang hna tiah AAPP nih ca thanh a chuah. Crd. Khit Thit Media

Covid ruangah Mizoram chung sianginn vialte khar a si hnuah zawtnak a um lo nak hmun/khua sianginn hna cu hon than a si i, Mizoram education department nih ralzaam umnak khua vialte ah ralzaam ngakchia hna cu sianginn luhter dih dingin a duh.

Mizoram Education Minister Pu Lalchandama Ralte nih ‘Myanmar ram in Mizoram ah mi zei mawzat a dor lio mi lakah ngakchia zong zei mawzat an um.Hi ngakchia hna hi Mizoram cozah nih cacawn ter a timh.An innpi ah an rak ra i, an innpi ah ca zong an cawn ding a si’ tiah a chim.

Mizoram chung ralzaam um tamnak Farkawn ahcun sianginn luhter an si cang pinah Mizoram cozah nih ralzaam umnak khua dang hna zong luhter cio dingin a ti fawn. Mizoram school education director James Lalrinchhana nih August 31 ah District Education Officer (DEO) le SDEO vialte hna cu an area chung ralzaam ngakchia hna cu sianginn an luh khawhnak dingin hmalak dingin atheihternak ca a kuat hna.

James Lalrinchhana nih Right to Education RTE dan ah ngakchia kum 6 in kum 14 kar paoh cu cacawn khawhnak nawl (right) an ngei tiah a chim. Education Minister zong nih ralzaam ngakchia hna cu SDEO le DEO hna nih an zoh ding le ralzaam hna zong nih an fale sianginn luhnak kong an hlathlai ve ding a si i,ngakchia vialte sianginn an luh ding hi Mizoram cozah nih a duh mi a si.

A biapi bik mi cu kan unau hna an si, cozah nih an himnak pin ah cacawn ter kan duh. Kan naule an si i, nationalist hna nih bawmh an duh, an fale zong cacawng hna seh ti an duh. Cozah dang tangah kan um zongah unau kan si nak cu zei nih hmanh a hrawh ding a si lo. Crd. The Chin Post

Be the first to comment

Leave a Reply

Your email address will not be published.


*