Breaking News: PDF-Gangaw nih ralhrang motaw pa 2 bom an puah, ralhrang 30 hrawng an thi

PDF-Gangaw nih Kalay-Gangaw lampi ah ralhrang motaw pa 2 bom an puah, Ralhrang 30 hrawng an thi
============

Kalay-Gangaw lampi zulh in Kalaymyo lei ah a kai cuah mah mi ralkap motaw 40 lonh cu Gangaw peng chung a um mi Kaan khau(ကံရွာ) Cawkkutawyah(ကျောက်ဂူတောရ) pong ah PDF nih bom phum in a tuk hna caah ralkap Motaw pa 2 a rawk i ralhrang 30 hrawng an thi tiah theiha si.

“Nizaan Slm. 1:30 hrawng ah hngah in bom phum in kan tuk. kahdoh nak cu a chuak lo. A rak kai mi thazang a tam tuk ca’h bom a puah hnu cun kan zam. Sihmanhsehlaw bom puah ruang ah a thi mi an tam ngaingai. A tlambik 30 hrawng an thi lai” tiah PDF chungtel pa 1 nih a chim.

Bom phum in doh a tong ca’h ralkap Motaw 30 lonh lawng Kalaymyo lei ah a kai i a tang mi motaw hna tu cu Gangaw peng Hninkha khua ah um hmun an khuar. Zaanlei hrawng ah khan Hninkha khua kiang ah kahdohnak a chuak rih i ralhrang nih hriam ngan hna i an kah hna tiah khuami hna nih an chim.

Hninkha lampi kiang inn hna in an lak kho tawk thilri paoh cu tu zing ah ralkap motaw cung ah an tangh/chiah hna i, a dang khua in Buesawhtee hna zong Cycle pa 18 in Hninkha khua chung ah ralhrang hna he an i fonhti ti zong theih a si.
Tuni ah Gangaw lei in ralkap motaw 34 a rak kai i Hanthawaddy khua pawng ah an phan cang tiah theih a si.

Kalay-Gangaw motaw lampi kiang i khau te chung in khuami hna cu ralhrang tih ruang ah an khau an zam tak dih cang tiah khuami sin in theih a si.
Crd. Khit Thit Media

Be the first to comment

Leave a Reply

Your email address will not be published.


*