Breaking News; Phekone ah KA, KNDF le Ralhrang 500 faktaktak in kahdohnak a chuak

Phekone ah KA, KNDF le Ralhrang 500 faktaktak in kahdohnak a chuak
===================

Shanram Chaklei, Phekone(ဖယ်ခုံ) peng Hkaungei(ခေါင်းအိ) khua chung ah ralhrangbu nih hraimngan in kah ruang ah tuni September ni 3 ah ralhrangbu lei in ralhrang thazang 500 hrawng in hmaitonh in a tuk hna ca’h Karenni Army(KA)le KNDF fonh ti bu nih faktaktak in an kahdoh than hna i ralhrangbu lei in pa 10 reng lo hliam an pu tiah KNDF nih thawng a thanh.

Ralhrangbu nih September ni 1 thawk in hriamngan in a kah i tuni ah Kone Sone(ကုန်းဆုံ) khua htine taw muu Para in Hkaungei(ခေါင်းအိ) le Seitaw(စက်တော်) khua lei ah thazang 500 hrawng in hmaitonh in an doh hna tiah KNDF sin inn kan theih. Crd. Khit Thit Media

February 1 in ralhrang phu hna nih hramhram nawlngeihnak an lak hnu ah ralhrang uk duhlo cawlcanghnak CDM ah a tel mi cozah riantuan hna cu federal journal nih cazin an lak ning ah Chin ramkulh cozah riantuan tu hna dihlak minung 14,591 an si, ramkulh cio in CDM cawlcanghnak ah tambik a tel mi cu Chin ramkulh chung in an si tiah an langhter.

Chin ramkulh ah cozah riantu tu dihlak 20000 leng chung ah 14000 leng nih CDM cawlcanghnak ah an i tel caah zatuak in 72% leng a si . “Chin ramkulh ah CDM lutmi hna chung in ngandamnak lei cozah riantuan tu an tam. Mindat ah cun atu tiang ah sizung zong thaten hon khawh a si rih lo. Thazaang a tling tuk, a ruang cu Chin chung ah hin sibawi tampi an i tel, cheukhat cu Director reng zong an i tel.

Cun zaanglek nak lei zong ah rampi min thatter tu hna zong an i tel. An umnak department cio in reng sang zong nih CDM cawlcanghnak ah an i tel hna.Cucu Chin ramkulh CDM cawlcangh nak ah teinak pakhat a si ” tiah CDM cawlcangh nak ah a tel mi cozah riantuan pakhat nih a chim.

Ramkulh chungah Chin ramkulh in CDM cawlcanghnak tambik a tel kho mi a si, ralhrang phu hna nih rian sok ding in auhmi cozah cazin ning ah hmundang ramkulh le ramthen 14 chung ah riansok tu dihlak hi minung thong leng an si nain , Chin ramkulh chung ahcun riansok tu minung pakhat hmanh an um lo tiah theih a si. Crd. The Chin Post

Be the first to comment

Leave a Reply

Your email address will not be published.


*