Breaking News; President Joe Biden Le President Joko Widodo Nih Min Aung Hlaing Ralhrang Nawlnak An Tuah!

President Joe Biden Le President Joko Widodo Nih Min Aung Hlaing Ralhrang Nawlnak An Tuah!
=============
American President Joe Biden le Indonesia President Joko Widodo nih kawlram ramkhel thawngtla pawl chuah ding le buai nak ngol ding in ralhrang sin ah nawl nak an tuah!

Scotland ram, Glasgow khuapi ah tuah mi November 1 COP 26 meeting dih hnu ah a tu ban tuk in Presidents pahnih nih an chim mi hi a si tiah Media tampi nih an langhter.

American president White House ah president pahnih cu kawlram hramhram uk nak lak ruang ah an lungretheih nak an langhter i uknak la tu ralhrang lei in hramhram uk nak ngol colh ding, ramkhel ruang ah tlaih mi hna thlah ding le Democracy ram si than nak ding ah bawmh ding in hnatlak nak an ngei tiah kan theih.

American President Joe Biden nih October thla i tuah mi Asian meeting zong ah ralhrang cung i Asian lungput a cohlan kong zong a chim.

Ramkhel thawngtla pawl zohkhanh tu bu (AAPP) nih an langhter ning ah cun hramhram uk nak an lak hnu ah hin a tlawm bik minung 1229 an thi i minung 9500 leng an tlaih an tong.

Ralhrang Phu hriamnaam zuarh ti lo ding UN ah biatung dirhtu nih Thantlang inn kaang kong ah a nolh than. Thantlang inn kaang sining zoh tik ah Ralhrang Phu hriamnaam zuarh ti lo ding UN nih tlangtlak a herhning a lang chinchin tiah Nuhrin Covo kong UN ah biatung dirhtu Tom Andrews nih a chim than.

“Chin Ramkulh ah an ralkap le hriamnaam ngan phuntling an chiah hnu ah Thantlang cu mei in an khangh. Min Aung Hlaing (MAH) te phu tangkalut le hriamnaam cawkzuarhnak kong hi UN nih direct in dan a tat i a phihkhar awk a si,” tiah Tom Andrews nih a chim.

Aluancia June thla lio UN meeting ah MAH te phu hriamnaam zuarh ti lo ding in bia an rak chah. Asinain, UN General Assembly biachahnak lawng a si i Security Council nih bia a chah mi kha UN chungtel ram nih an zulh ding a si i Security Council nih biachahpiak ding cu Tom Andrews le ramchung ramleng Phu dangdang hna nih biatung an rak dirh.

October 29 zing in zaantim tiang Thantlang khua cu Ralhrang nih an khangh i Biakinn 2, Quarter pakhat tel in inn 164 an rak khangh.

US ram aiawhtu palai hlun Bill Richardson Naypyitaw a phan diam. Zeltluang in a zutmi tonnak kong (agenda) cu Myanmar now nih a hmuh. Palai hlun pa cu nihin ah Naypyitaw a phan cang. Nili chung a cam lai. Ralkap firbawi MAH, adang ralkap upa hna le tuanvo ngeitu ministers hna he tonnak an ngei lai. Thaizing ah MAH he, c hnu ah ramdang vunci pathau pa he an i tong lai tiah zeltluang zut catlap nih a langhter.

Cu hnu ah ngandamnak vunci he an i tong lai. Cacawn nithum ni tu cu Naypyitaw in Yangon lei ah vancungzuang in a zuang te lai. Yangon lei a kalnak a ruang cu Myanmar ram ah US acozah nih a rak thlahmi US palai amassador he Myanmar kong ruatkhang awk caah a si te lai. Cu hnu ah a ram lei ah a kir than te lai.

Atu tan a ratnak hi bawmhchanhnak kong le covid kong ah a si ti a si. UN SG zong nih hi a khualtlonnak kong hi tha tein a theih ti a si. (keimah chapmi: Bawmhnak kong le Covid kongah rampi chung taktak tuanvo a la kho tu cu MAH long cu a si rih tikah adang buu ton awk hi a tha rih rua lo).

US Palai Le Governor Hlun Bill Richardson Cu Myanmar Ah A Tlawng Lai. UN ah US palai a rak tuan balmi le New Mexico ramkulh uktu (governor) hlun a simi Bill Richardson cu Myanmar ah a tlawng lai tiah Associated Press (AP) nih a tial. Tutan a khualtlawn ding hi cozah le zatlangbu he aa pehtlai lo, amah pumpak in minung hawi zawnruah bawmhnak pek a duh caah tiah theih a si.

Bill Richardson nih hin hlan zongah Myanmar mipi hna bawmhnak a pek bal cang tiah theih a si. Asinain atu tiangah ralhrangbu nih nawlngeihnak an lakmi le mipi cungah an tuahmi thatlonak kongah mawhchiatnak le sualphawtnak bia pakhat hmanh a chim rih lo ti a si. Tutan a khualtlawnnak zongah zeitindah bawmhnak a pek lai, aho te he dah an i ton lai ti bantuk fiangin a langhter lo.

Amah chimnak ah cun Myanmar ramhcungah pehtlaihmi ka ngei cang i anmah he cun rian kan tuan lai a ti. Cun a kal hnawhchan bik cu covid khamsii pek ding, minung hawi bawmhank lam kawl ding, sii le ngandamnak he aa pehtlaimi kong kan i ceih hna lai tiah Bill Richardson nih cun thanhnak a tuah.

Tutan Myanmar a lawn dingo hi UN General Secretary Antonio Guterres nih a theihpimi a si tiah Bill Richardson i pumpak chimnak nawlngeitu Madeleine Mahony nih a chim. US cozah lei nih cun Bill Richardson khualtlawn ding kongah zeihmanh an chim rih lo.

Tutan a tlawn ahhin mipi ngandamnak kong kha biapi ah chia in rian kan tuan lai. Atu bantukin Myanmar ram a buai lio i bawmh a herh taktakmi hna kut chungah bawmhnak a phak khawh hrimhrim nak dingah kan i zuam lai tiah Bill Richardson nih cun a chim fawn. Bill Richardson cu Rohinya miphun hna kong i ruahnak pek dingah 2018 ah khan a hnu bik Myanmar ah a rak tlawng tiah AP nih cun a tial.

Oct 29 ah ralhrang hna nih hriamngan in an kah ruangah Thantlang khuapi inn 164 cu an kaang i vutcaam ah an i cang. COTR biakinn le Presbyterian biakinn pin ah TBC quarter zong a kaang chih. Hi violate a kaangmi hi ralhrang hna ruangah a si ti cu theih cio a si. Asinine Naypyidaw lei in an pu le nih cun “kanmah kan si lo, CDF an si” ti phun in an chim. Hi ralhrangbu chimnak nawlngeitu Zaw Min Tun chimmi he pehtlai in CHRO i Assistant Director a simi Salai Za Uk Ling nih a tanglei bantukin VOA ah chimfiannak a tuah.

“Hihi cu ralhrang kutneh hmeteh a si. A ruang cu mah lioah khan Thantlang khuachung ah ralhrang le CDF lawng an um. CDF chungtel hna cu Thantlang khuami deuh an si. Thantlang ah inn an ngei, biakinn zong an um. Mah inn le lo khangh cu a si kho lo pi. Ralhrang nih hriamngan in an kah i cu hmanh ah cun mei-kuan in an kah tiah kan theih. Mahti an chimmi kha cu CDF sualphawt an duh cash a si”.

Ralhrang nih nawlngeihnak an lak hnu in Chin ramkulh cu hriamtlaih in ralhrangbu a doh hmasa bik kan si. Atu zong kan doh cuahmah i a dongh tiang kan doh fawn lai.

Salai Za Uk Ling nih cun a hitihin a chim chap! “Atu kahdohnak an tuahmi cu Anawratha Oparation ti a si. Ralhrang thazaang tampi Chin ramkulh ah an thlah. Thantlang khuapi cu bomb in an kah pinah mei an khangh rih. Chin ramkulh ah lam pahnih in ralhrang an vun thlah hna. Mindat lei ah ralhrang mawtaw 90 le tank zong an thlakmi kan theih.

Chin ramkulh ah ralhrang an phak lecangka in Falam peng khua pali ah inn cheukhat an khangh colh. Khuapi um vialte an tlikzam dihnak cu Thantlang a si. Ralhrang nih ဖြတ် ၄ ဖြတ် hmangin kahdohnak an tuah. Cu tikah mipi cu eidin tirawl ah harnak nganpi an tong. Minung lungthin a keng lomi hna thiltuah a si ko. Hihi vawleicung huap sualnak an tuahmi a si tiah chim ka duh”.

Thantlang innkang telh in Myanmar ramchung hmunkip ah a mipi sersatnak le hremnak a karh chin lengmang mi kong cu U Kyaw Moe Tun nih cun a voi 76 nak UN General Assembly ah a chim i a rannak in UN le ramkip nih ralhrangbu cungah dantatnak tuah dingin a nawl hna.

“Chin ramkulh Thantlang khuapi ah ralhrang hna kahnak ruangah inn 100 renglo le biakinn pahnih an kaang. Hi bantuk sualnak a tuahmi kong cu fak piin tuaktan a herh cang” tiah UN ah Myanmar palai a simi U Kyaw Moe Tun nih chim UN General Assembly pi ah a chim.

Naite ah aa dinmi UN General Secretary nih Myanmar palai ah a hmanmi Christine Schraner Burgener zong nih Chin ramkulh le Sagaing ramthen ah ralhrang thazaang tampi an chapmi cu a thinphang ngai a si tiah a chim ve. Credit: The Chin Post

Be the first to comment

Leave a Reply

Your email address will not be published.