Breaking News; Ralhrang Nih Chin Mino Pakhat An That

 Chinram Chung Tedim khuapi chungah April 27 zan sml.7:30 hrawng thawk in Myonmah sang le Luibual sang ah meithal thawng kan theih hna tiah khuami hna nih an chim. Hi meithal kah mi kuan nih hin Skat Mawtaw mongtu kum 17 hrawng asi mi Ko Khai Lian Muang cu akhen athi. Chungkhar hna nih April 28, 2022 zing tiangah aruak an hlam kho rih lo tiah theih asi.

Khuami pakhat nih achim nak ah amah hi Skat mawtaw mawng asi i khua te lei ah thilri ava chanh hna i arak kir lei ah hin lampi ah a mawtaw arawk caah cycle in arak ra tiah ati. Ko Khai Lian Muang arak kir hi sml. 8 hrawng ah asi, khuapi chung aluh lai ah ralhrang hna nih mi check nak an tuah, cu tikah ralhrang nih check ding attih caah cycle cuc aamawngh I atli atlik lio ah cun ahnu lei in meithal in an kah.Atu tiang hi khuika zawn ah aruak aum ti I an thei kho rih lo. Cun zaan sml. 10 hrawng in 269 ralhrang umnak tlang lei in le apawng kam hrawng in sml.cheu hrawng meithal le bomb thawng cu theih asi tiah khuami hna sin in thawngpanh theih asi.

Kalay Thlanglei Natchuang, Natmuawng, Chuangkhuah Hrawng  Ralhrang Hna Cu an Zam Cang

Kalay thlanglei Natchuang, Natmuawng, Chuangkhuah, hrawng ah ralhrang hna le mipi kilveng tu ralkap hna cu April 24-25, ah khan fak tak tak in an i kap hnu ah April 26 ah khan mipi kilveng tu ralkap hna nih hmunhma an va zoh tikah ralhrang hna an thi hnai le an hliamhma tuan nak pawl le ralhrang hman mi thilri pawl cu hmuh len asi tiah Vakok (CNDF) sin in theih asi.Ralhrang hna hi pyusawhtee pawl he an si i minung 100 leng an si, atu bantuk in an thi hnai le hliamtuar tuanhlawm  nak an ngeih ko nain athi mi ruak cu hmuh ding aum lo, aruang cu Pyusawhtee pawl nih hin an lak colh hna. Pyusawhtee pawl hi meithal hriam aaken lo mi zong an umlen. Atu hi Yankyiaung khua leiah hnu an tolh ve tiah VAKOK CNDF in biachim tu nih Yangon Khit Thit sin ah achim.

Natchuang, Natmuawng, Chuangkhuah mipi kilveng tu ralkap phukomh he kahdoh nak an ngeih lio ah hin ralhran g lei hi an tuar ning afak tuk i mipi kilveng tu ralkap hna an tei ti hna lo caah khua achungah an lut i inn le lo pawl mei in an khangh hna. Kahdoh chungah hin ralhrang lei in minung 10 nak tlawm lo an thi. Cun ralhrang Mawtaw pa 2 mei in an khangh mi cu PDF Kalay nih an tlah mi drone hmanthlak mi ah  hmuh khawh a si.Hi lio ah ralhrang akap tu hna hriamtlai phu cu, VAKOK CNDF, Pah.Kah.Phah, PDF Kalay, RKDF hriamtlai hawikom phu an si. Kahdoh nak chungah hin Pah.Kah.Phah ralkap in minung pakhat nunnak aliam minung pakhat hliam atuar. Cun hmunhma zoh fel nak an ngei lio ah hin CNDF ralkap pakhat cu sniper in an kah i fak ngai in hliam atuar ve.

Hmun hma zohfel nak in an chuah lio Chuangkhuah thlanglei in an kal lio ah mawtaw ahnu lei ah athu mi ralkap pakhat cu sniper in an kah hi asi,, ahliam hma afak ngai, sniper hi athawng athang lo mi asi caah khoika lei in asi kan theih kho lo asi nain aran nak in kan zuang in kan kulh dih ko nain ralhrang cu an um ti lo.

Ralhrang cu hnu ah an tolh cang, Yankyiaung khua an phan cang i cu ka cun tivaral lei ah an lan cang tiah CNDF tatyinhmu sin in theih asi. Ralhrang hna he aakom mi pyusawhtee hna hi Sagain le Magway ramri Hanthawaddy , Kyutpyiatt Pyusawhtee an si. Hi phu pawl cu Yankyiaung khua in myit thar myit nichuah leikamh tivaral ah an zam cang tiah VAKOK CDNF sin in theih asi. Source: Khit Thit Media