Ralhrangbu nih Kalaymyo peng ah inndong 2000 lonh Tinthar khua ning pi in mei an khangh
=================
Sagaing ramthen, kalay peng, kalaymyo chaklei ah a um mi inndong 2000 lonh a si mi Tinthar(တင်သား) khua cu ralhrangbu le Buesawhtee nih mei khangh hram an thawk tiah khuami nih Yangon Khit Thit Media sin ah a chim.
Ralhranagbu hna cu tuni August ni 28, Slm. 12:00 hrawng ah khuachung CDM riantuantu hna tlaih ding ah Buesawhtee he an rak phan i CDM Sianginn sayaci U. Kyaw Min Nine inn cu an khangh hmasa i, meiduah ruang ah U. Kyaw Min Nine inn in inn dang ah chawnh/karh hram a thawk tiah theih a si.
“Nine Myanmar Eidin phungtling Chaw dawrnak, thilri dawr le CDM Sianginn sayaci U. Kyaw Min Nine inn hna cu mei an duah. Inndong 2000 lonh hrawng a si lai. Inn thum cu a kang dih cang. Mei zong va kal in kan hmih ngam lo. Kan hmih ah cun an kan thah lai tiah kan phang. Khuami hna cu kan zam, kan i thup tiah Tintar khuami pa 1 nih a chim.
Atu lio ah khua chung in mipi hna cu khua an zam tak cang i mei cu an thah kho lo i, a zam kho lo mi tar le a ngandam lo mi le kumkhua upa ccang mi tar hna cu an tang rih tiah theih a si. ” Mei zong thah ngam a si lo.
Ralhrang nih meikang mi cu meithal in an hngah i mei kan thah ah cun kah ding in an um” caah cu ti cun kan zoh ko. Thil sining cu a zual ngaingai. Ngandam lo mi cu inn chung ah an um i mei a karh/chawn sual ah cun an zapi tein harnak an tong lai” tiah Tintar khuami pa 1 nih a chim.
Mah Tinthar khua kiang ah Nizan ah ralhrangbu le PDF kahdohnak a chauk. Khua chung ah a um mi khuami hna cu ralrin tein um ding le theih hgalh bal lo mi mi pakhat khat hmuh sual ah cun lam naih ah a um mi PDF sin ah thawng pek ding PDF nih cathanh nak a chuah.
Ralhrangbu nih June thla ni 15 ah Magwe ramthen, Pauk(ပေါက်) peng ah a si mi Kinmah(ကင်းမ) khua cu khua ning pi in mei a khangh tiah khuami hna nih an chim. Crd. Khit Thit Media
Leave a Reply