Breaking News; Ralhrangbu nih Pauk peng chaklei Waanchung khau mei an khangh

In this photograph taken on October 21, 2016, armed Myanmar army soldiers patrol a village in Maungdaw located in Rakhine State as security operation continue following the October 9, 2016 attacks by armed militant Muslim. The United Nations called for an investigation into claims Myanmar troops have been killing civilians and torching villages in northern Rakhine, as reports emerged thousands of Rohingya had been forced from their homes. / AFP / STR (Photo credit should read STR/AFP/Getty Images)

Breaking News; Ralhrangbu nih Pauk peng chaklei Waanchung khau mei an khangh
===============

Pauk chaklei WaanChung(ဝန်ခြုံ:) khua cu tuni September thla ni 2 Sml. 12:35 hrawng ah Ralhrangbu uico phu hna mei an khangh nak cu khuami nih Yangon Khit Thit Media sin ah a chim. Uico ralhrang hna cu a luan cia mi Ni 4 thawk in WaanChung khua Phungki Sianginn ah umhmun an ser a si.

Khuami hna cu atu tiang ram le lo chung ah an um rih. Waanchung khua Nichuah lei ah tlang pa 1 lawng nih a dang mi PinTaung(ပင်တောင်) khua a um i mah khua in Buesawhti he fonhti in Waanchung khua cu ralhrang hna an rak lut a si. Tuni slm. 12:35 cu khuachung ah ralhrang nih inn mei an khangh cu kan hmuh” tiah khuami pa 1 nih a chim.

Mithalo ralhrangbu mithattu phu hna cu Pauk peng chaklei ah a um mi khua, inn hna cu innka hrawh in thilri hna an fir i an lak piak hna i umhmun an ser nak Kinele(ကိုင်းလယ်) Sakhan ah mibawmhnak mataw in hnu hmai let in thil an kal pi i khuachung ah meithal an puah i ram tang a thump mi khaumi hna cu an tlerh hna tiah theih a si. Crd. Khit Thit Media

Ramchung kahdaihnak lungtling in minthu mi (NCA) cu a rawk cang tiah KNU Concerned Group nih nihin September 2 ah cathanh an chuah. NCA cu 2015 kum, October 14 ni ah tlangcung hriamtlai phu 8 nih lungtling in a voikhatnak minthut mi a si,2018 February 13 ni ah phu dang phuhnih nih lungtling in minthutnak an tuah ve caah, minthu mi dihlak hi phu 10 an si.

NCA minthut nak cu tlangcung hriamtlai hna caah ramkhel lei tinhmi hmun phak khawh lo leng ah,hriamtlai caah hriam a kan thlah ter,2008 phunghrampi tang ummi men a si tiah KNU Concerned Group nih cun a langhter. Karen ralkap KNU hmunhma ah nawlngeihnak la tu ralhrang phu hna nih hmunhma lak in an um caah khuami minung 500 hrawng cu ralzaam dirhmun ah an phan.

Tlangcung hriamtlai phu hna le mipi vengtu phu hna nih hramhram nawlngeih lak nak cu a hram in hrawh dih ding in le Federal Democracy dirh khawhnak ding caah lunrual ten raldoh ding in KNU Concerned Group nih forhfialnak a tuah. Crd. The Chin Post

Be the first to comment

Leave a Reply

Your email address will not be published.


*