Breaking News; Rangoon le Mandalay ah Urban Gueralla phu nih Sakhan bom an puah ca’h Ralhrang pa 4 reng lo an thi

Rangoon le Mandalay ah Urban Gueralla phu nih Sakhan bom an puah ca’h Ralhrang pa 4 reng lo an thi
=====================

Mandalay khua, Kantawgyi(ကန်တော်ကြီ:) lam 85 Traffic-light ah himvennak lam a zawh mi ralkap mawtaw cu tu zanlei, September ni 11, sml. 5:10 hrawng ah bom cheh in an tuk ca’h ralhrang cheukhat hliamhma pu le an thi mi an um tiah khuami sin in theih a si.

” Thil sining cu ralhrang pa 2 an thi tiah ka theih. Nihin Zanlei sml. 5:10 hrawng ah a si i pehzulh thil cu ka thei rih lo” tiah Mandalay in phungki pa 1 nih a chim. Rangoon zong ah bom puah nak tu zanlei tiang a chuak i Mayankone peng ah Inn 100 uktu(ရာအိမ်မှူး) pa 1 meithal hmual in thah a si tiah Yangon khuami nih an chim.

Insein peng Road Trasport Administration zung ah tu zanlei slm. 6:50 hrawng ah bom a puak i a tu ah Mithalo ralhrangbu ralkap hna an rak phan i hmunhma kherhlai in an um tiah khuami pakhat nih a chim.

Hliangthaya ah Nihin chunhnu slm. 3:15 ah Hlaingthaya, Htaunggyi(သောင်ကြီ:) Palik sakhan pawngkiang Ralhrangbu hna umhmun an ser nak Taluk miphun nih a ngeih Rosy kedanh sehzung ah bom voi 3 a puak caah mah bom puah nak ah cun ralhrang pa 6 reng lo fak ngaingai in hliam an pu i pa 2 an thi lai tiah Hlaingthaya Guerilla phu nih thawng an thanh.

Cuhleiah Mayankone peng, veng 1, khuathar lam 4 nak ah Inn 100 uktu Sein Htaung cu min theih hngal lo mi mi cheukhat nih meithal in an kah ca’h siizung a phan i, a ti maw a nung a fiang rih lo, a tu ralhrangbu hna an rak phan i lam kham in kherhlainak an tuah lio a si tiah theih a si. Crd; Khit Thit Media

Be the first to comment

Leave a Reply

Your email address will not be published.


*