Breaking News : Surngen Ohsuh Police Minung 12 Cu,CDM Ah An Lut Dih.

Thongpang Ttha : Surngen Ohsuh Palik 12 CDM Ah An Lut Dih.Thawngpang tha taktak a si cang. An mah palik chung in facebook ah an tialmi a si ko caah ka van tial chinnak a si.

Chin ramkulh Thantlang peng Surngen ohsuh chung in palik rian a tuantu Chinmi minung 12 cu CDM ah an lut dih cang hna tiah theih a si.Nihin Narch 6,2021 thawk in Surngen ohsuh chung ah palik a tuanmi minung 12 cu kan dihlak tein CDM ah kan lut dih cang tiah Pae Nua nih a Facebook ah a tial.

Chinram chung ah a ummi Chin palik tampi cu CDM ah an lut dih ngawt cang hna. Ralkap uknak lakmi tang ah palik tuan loin mipi lei ah an dir ve cang hna.Hi bantuk in CDM ah an luh dih ah cun,Ralkap uknak cu,a rauh hlan ah kan tei ko hna lai.

Kawlram ah a ummi a bik in Yangon le Nay Pyi Daw ah palik le ralkap a simi Chinmi tampi zong CDM ah luh an duh tuk ko nain an caah lam a har caah mitthli he an can a hmang ko hna. An caah thlacam piak philh hna hlah usih.sihmanh sehlaw a caan nih a phanh tikah cun an lut te ko lai tiah zumh asi.

Be the first to comment

Leave a Reply

Your email address will not be published.