Breaking News: Taliban doh ding ah Afghanistan ah President thar Amrullah Saleh a chuak…

Taliban doh ding ah Afghanistan ah President thar Amrullah Saleh a chuak…
===========

Afghanistan Vice-President Amrullah Saleh nih Taliban he raldoh nak a dih rih lo tiah a thanh i, a mah cu phung hrampi zulh in inn zohkhenhtu Acozah President ka si tiah a chim. A video file zong cu BBC nih a ngeih cang i News night program in an thlah. Armullah Saleh cu A tu UAE ah a phan mi Ashraf Ghani i vice-President in rian a tuan mi a rak si.

Ashraf Ghani ram in a zam lio ah Amrullah Saleh nih cun Panjshir nelrawn( Afghanistan a laifang chaklei) ah ralkap thazang timhtuah than in Taliban cu pehzulh in kan doh than hna lai tiah ram chung media nih a chim. Armullah Saleh nih a hruai mi Afghan inn zohkhenhtu Acozah cu vawlei cung ram thawng le ngan hna nih zeitindah an ruah cio ve ti cu bia a thang rih lo.

Sihmanhsehlaw Tajikistan ah a um mi Afghan embassy i Lamkaltu Zahir Aghbar, nih cun Armullah Saleh i inn zohkhenhtu Acozah cu theih hngalh cohlan pi ding ah ka timh tiah tadinca fianternak ah a chim.

Ram chauhtak i a zam mi Ashraf Ghani cu hringtu ram rawitu ah sual a puh hlei pin ah Ashraf Ghani nih Dollar. 169 Million a lak i a zam pi tiah lamkaltu Zahir Aghbar nih a chim.
Crd. BBC

Be the first to comment

Leave a Reply

Your email address will not be published.


*