Breaking News; Tamu ah Palik Sakhan cu PDF nih a tuk than, Palik pa 7 an thi, i Pa 8 hliamhma an pu

Tamu ah Palik Sakhan cu PDF ni a tuk than, Palik pa 7 an thi, i Pa 8 hliamhma an pu
==============================

Sagaing ramthen, Tamu khua Nagamintami(နဂါးမင်းသမီ:) tibual pawng ah um hmun a ser mi Palik Sakhan Pa 1 cu PDF-Tamu batallion-1 le batallion-2(Tamu Security Group) fonhti in August ni 24 Zinglei slm. 2:30 hrawng ah an tuk i ralhrangbu lei in pa 7 a thi i pa 8 hliamhma an pu tiah PDF-Tamu nih ca thanh nak a tuah.

Mah kahdohnak cu caan tawite lawng a rau i ralhrangbu lei in a thi mi hna zong ferter kho a si i PDF Tamu batallion-1 le batallion-2(TSG) lei cun hliamhma a pu mi a um lo tiah theih a si. Crd. Khit Thit Media

Ralhrang Hmanh Mi Bomb I Lamh In Pu Ling Sui Palek Pension A Nunnak Liam Chin ramkulh, Kanpalet Semaikung veng ah nizaan ah ralhrang nih hmanh mi bomb i lamh in a ke pakhat a tanmi palek Pension pakhat cu tuzaan lei suimilam 3 hrawngah a nunnak a liam tiah theih a si.

Kum 65 Palek Pension Pu Ling Sui cu August 23 ah Pension thlahlawh hlam in a kir lei ah Yianaungyiatana(ရန်အောင်ရတနာစေတီ) pawngah ralhrang nih hmanh mi bomb a lamh i a ke a tan i a hliamhma he a nunnak a liam hi a si.

Atu Pakokku in kan va hlam lio a ruak kan la kho rih lo, zaanlei ahcun kan phan ko lai, a ruak kan hngah sin, a zaan ah kan vui colh lai tiah” an chim.

Ralhrang nih veng chungah bomb hmanh ruangah atu bantukin bomb lamh in a nunnak a liam hi a si i mipi caah humhimnak van a sang ko tiah khuami nih an chim.

Kanpalet B.E.H.sianginn.Palek riahbuk le Pu Ling Sui bomb lamh in a nunnak a liamnak Yianaungyiatana ah ralhrang umhmun an khuar tiah Kanpalet mi pakhat nih a chim. Crd. The Chin Post

Be the first to comment

Leave a Reply

Your email address will not be published.


*