Breaking News; Tanintharyi Ramthen kahdohnak ah Buesawhtee pa 2 an thah,

Tanintharyi Ramthen kahdohnak ah Buesawhtee pa 2 an thah,
==============

Tanintharyi ramthen, Thayetchaung(သရက်ချောင်:) peng, Kanetthiri(ကနက်သီရိ) khua ah Buesawhtee phu cu Meithal in kah an tong i pa 2 an thi tiah khuami hna nih an chim. August ni 30, slm. 10:30 hrawng ah purakwin(ဘုရားကွင်:) hmun ah kahdohnak a chuak i Buesawhtee chungtel tiah a min thang mi U. Win Hlaing le a dang pa 1 an thi i a dang pa 2 cu hliam an pu tiah khuami nih an chim.

“kah a tong mi phu cu Ralhrangbu nih rian a pek mi khua uktu bawi U. Nine Moe phu a si i a mah zong hliam a pu ca’h siizung ah an chiah” tiah khuami sin in kan theih.

“kahdohnak cu voi 30 le 40 lonh hrawng kan theih”. ” kap hnih in i kahdoh bantuk a si” tiah kanetthiri khua ah a um mi pa 1 nih a chim.
Kanetthiri khua ah U. Nine Moe phu cu zanfatin nawn in meithal an puah tawn tiah khuami nih an chim.

Kahdohnak a chuak hnu zinglei slm. 1:30 hrawng ah ralkap mawtaw pa 8 an rak phan tiah theih a si. ” Caan tawite hnu ah mawtaw pa 5 a chuak than i mawtaw pa 3 cu an tang i tu zing tuante in lam ah dothlat le tlaih nak an tuah tiah khuami sin in theih a si.

Tu zing slm. 4:00 thawk in kherhlai nak a um i atu ah khua chung kawl le kherhlainak an tuah i khuami 30 hrawng tlaih an ton tiah theih a si. Kanetthiri khua ah a luan cia caan ah ralhrangbu hna voi 2 umhmun an khuar cang i khuami tampi an rak tlaih mi thil sining a rak um bal ruang ah mino cheukhat khua an zam tak. Crd. Khit Thit Media

Mizoram Hmun Cheukhat Tilian Ruangah Minung 200 Hrawng Thial An Si Kan hnu zarh chung Mizoram thlanglei ah ruah a tam ruangah Tipi a lian i khua cheukhat cu khuachung chuahvah khawh lo tiangin ti nih a phum i,minung 200 hrawng hmunhimnak ah an thial hna.Tipi kam dum zei mawzat ti nih a phum.

Lunglei district chung tipi kam ah a ummi Malsury khua chungah hmun cheukhat cu ti nih a phum ruangah chungkhar cheukhat hna cu Border Security Force (BSF) hna nih hmunhimnak lei ah an thial hna. 131 Bn. BSF commandant Col. KS. Nautiyal nih; Tipi lianh ruangah hmunhimnak ah an thial mi hna hi minung 200 hrawng an si lai. Tilian ruangah eidin harsatnak a tongmi hna an um a si ahcun a si khawh chungin bawmh kan timh hna tiah a chim.

Tlabung post news editor nih a chim ningah tilian ruangah inn le lo a phum mi an um rih lo tiah theih a si i, tipi kam ah an tuah mi dum hna cu ti nih a phum pin ah ti hi a lianh chinchin ruangah inn zei mawzat cu ti nih a phum khawh mi a si tiah theih a si. Crd. The Chin Post

Be the first to comment

Leave a Reply

Your email address will not be published.


*