Breaking News; Tu Chun PDF-Yinmabin nih ralhrangbu motaw bom a puah than, ralhrang pa 12 nak tam an thi

Breaking News; Tu Chun PDF-Yinmabin nih ralhrangbu motaw bom a puah than i ralhrang pa 12 nak tam an thi
===========

Sagaing ramthen, Yinmabin peng Kwaechaung(ကွေ့ချောင်:) khua pawng ah tuni September thla ni 1 Chunhnu ah Vanbawi khua in a rak tlung mi Mithalo ralhrangbu an kal nak lam cu PDF-Yinmabin nih bom a puah ca’h pa 12 reng lo an thi tiah khuami nih Yangon Khit Thit Media sin ah an chim.

” Ralhrangbu lam zawhnak cu tuk a tong tiah kan theih. Pa 12 nak tam deuh an thi tiah kan theih. Bom a puah nak le kan um nak cu a naih” tiah khuami pa 1 nih a chim.

Ralhrangbu hna cu bom puah in doh an ton hnu ah lam cung i a um mi mipi ngeih/ta a si mi motaw cycal hna cu mei an khangh piak hna i Soe Petrol Dawr in riantuantu pa 1 cu ruang ngei lo in an tuk an velh tiah khuami hna sin in kan theih. Crd. Khit Thit Media

Karen ramkulh, Gyainnseaitgyi(ၾကာအင္းဆိပ္ႀကီး) peng Gyait(ႀကိတ္)khua in KNLA hmunhma chungah lut mi ralhrang phu hna le KNLA brigade 6 kar ah September 1 ni, zinglei ah kaphnih kar kahdohnak a chuak tiah theih a si.

“Kap hnih kar kahdohnak a chuah hi zinglei suimilam 7:00 hrawng ah a si lai, suimilam cheu hrawng an rau, ralhrang phu hna cu Gyait (ႀကိတ္) khua in nizaan zaan ah an ra cang .Maihkaling tiva(မိုက္ကလိန္ေခ်ာင္း) pawngah umhmun khuar in sakhan an chiah. Paingkaladung(ပိုင္ကလာဒုံ) khua phakhlan ah KNLA he tong in an i kap” tiah khuami pakhat nih Yangon Khit Thit Media ah a chim.

Ralhrang phu hna an phanhnak Gyait (ႀကိတ္)le Paingkaladung (ပိုင္ကလာဒုံ) kar Meihkaling tiva(မိုက္ကလိန္ေခ်ာင္း) ah nihin zinglei suimilam 7:00 hrawngah cuka hmunhma ummi KNLA phu he kahdohnak a chuak tiah khuami pakhat nih a chim.

Kahdohnak a dih hnu ah ralhrang phu hna kuttang ummi Karen ramri hngak BGF phu hna cu cuka hmunhma ah an kal tiah KIC thawngzamhnak nih a langhter. Cuka Gyait(ႀကိတ္) khua pawng ralhrang phu hna sakhan cu a luancia ni tlawmpal ah Khan KNLA nih meikhangh in an hrawh. Crd. The Chi Post

Be the first to comment

Leave a Reply

Your email address will not be published.


*