Breaking News; Tu ni MNDAA nih i kahdohnak ah ralhrang pa 8 a thah than

Tu ni MNDAA nih i kahdohnak ah ralhrang pa 8 a thah than
=======================

Shanram Chaklei, Moekoe(မုံးကို:) hmun ah tu ni September 1 ah MNDAA le ralhrangbu hna kahdohnak a chuak i ralhrangbu lei in pa 8 an thi i hriamnam cheukhat an lak kho nak kong cu MNDAA Thawng leh lei nawlngeihtu( Ministry of information) pa 1 nih Yangon Khit Thit Media sin ah a chim.

Moekoe hmun ah September ni 1 zing slm. 9:06 ah Kokang ralkap MNDAA le ralhrangbu kahdohnak a chuak i, ralhrangbu lei in pa 8 an thi i MNDAA lei in pa 3 lawng hliam hmete an pu i hriam cheukhat an lak kho tiah theih a si.

“Tlangbo cu kan lak kho than cang. Sihmanhsehlaw bhawlone(ဘောလုံး) tang lei ramri a velchum ah ralhrangbu hna an um rih. Kan nih ca’h mah ka lei hmun cu a biapi tuk mi le kan uar tuk mi hmunhma a si” tiah a chim.

Ralhrangbu lei in hmaitonh in an ka rat hnoh ah cun kahdohnak cu a fak chinchin lai tiah MNDAA in ralbawi pa 1 nih a chim. Ralhrangbu cu MNDAA he i kahdohnak nak ruang ah Moekoe hmun ah nifatin a phu phu, tomtom in a ken kip ah an thi ko.

Sagaing ramthen, Kalaymyo peng chung ah cawlcangh mi Sakhanpi in ralkap 20 hrawng hriamnam tling in tunai ni ah an zam i ralhrangbu nih helicoptar hmang in Kalaymyo Chaklei dihlak cu a kawl cuahmah lio a si tiah theih a si.

“thawngpang cu a fiang. Kalay-PDF zong nih fehternak a tuah. A hmasa ah cun PDF hna cu a kawl hna tiah kan ruah. A hnu deuh ah an mi hna cu a kawl hna tiah kan theih. Ralkap pa 20 hrawng luatnak le himnak hmun an phan cang tiah kan theih tiah Kalay khuami pa 1 nih a chim.

Mithalo ralhrangbu nih ralkap an zam nak konglam cu an a pheh peng i Thawei, Pyi le a dang hmun zong in ralkap hna cu CDM an lut i an zam nak zong a rak um ve.

” Nizaan Kalay chaklei ah helicoptar cu caan sau ngai a hel i ralkap mawtaw zong lam kip ah a hel cu hmuh a si. An ralkap an tlau ruang ah an kawl cu hnu deuh ah kan theih tiah a dang Kalaymyo khuami pa 1 nih a chim. Ralhrangbu kal tak in Mipi lungthin chung ah a rak i dawr mi ralkap 2000 hrawng a si cang tiah CDM ralkap hna sin in kan theih. Crd. Khit Thit Media

Be the first to comment

Leave a Reply

Your email address will not be published.


*