Breaking News : U Khin Muang Lat NLD Party Chairman Cu Ralkap Kut In A Nun Nak A Liam.

Panbetan Myone i a um mi NLD Chairman U Khin Maung Lat Cu Ralkap Nih An tlaih i ankan pi hnu tlawmpal ah a thi tiah theih asi.Panbetan Myone No (7) i a um mi NLD Chairman U Khin Maung Lat cu ralkap le palik nih March 6, 2021 ni zan ah an tlaih theih asi.

Cun an tlaih hnu in tlawmpal tlawmpal ankalpi hnu ah thong chiahchung nak hmun ah an thah tiah tiah theih asi fawn,nain zeitin dah an thah ning hi asi ti cu kan thei kho lo.Panbetan NLD palai pakhat a simi, Si Tu Maung nih cun U Khin Muang Lat an thah nak kong he peh tlaih in a Fb cahmai ah tuzing ah a va langhter ve cang tiah theih a si.

Panbetan Myone i a um mi NLD party committe member innkip ah an kal hnawh hna hnu ah an tlaih hna tiah theih a si. Cun, U Khin Maung Lat hi an tlaihmi ah a tel ve mi a si. Ralkap le palik nih an tlaih lio ah a faktuk in an vuak lengah a phunphun in anhrem pah cang tiah, Ko Si Tu Maung nih a chim chap.

U Khin Maung Lat a ruak cu Mingkalardo siizung ah an chiah tiah thawng theih a si. A ruak kong he pehtlai in an chiahnak sizung pawng i a um mi Palik sakhaan ah nawl hal dingin le laak ani timhnak kong a langhter.Ko Si Tu Maung nih thah a tongmi U Khin Maung Lat hi 2020 thimnak aa cuh lio ah a bawmhchantu le a hnuzulhtu ka si tiah a chim.

Hi bantuk thil cang mi kong he pehtlai in ralkap le palik lei nih atu tiang zeihmanh thawng fiangternak le thawngthanhnak an tuah rih lo tiah thawng theih a si.A ruak hi an la kho rih lo i zeitik dah an vui lai ti zawng theih khawh si rih lo.

Source : VOA

Be the first to comment

Leave a Reply

Your email address will not be published.


*