BREAKING NEWS: Update Halkha Palek Len Ah Bomb Puah Le Meithal Thawng Pehtlai In Athang

BREAKING NEWS: Update Halkha Palek Len Ah Bomb Puah Le Meithal Thawng Pehtlai In An Theih

Chin ramkulh, Hakha Pyitawthar Sang Palik Sakhan Ah Bomb Thawng Le Meithal Puah Thawng Pehtlai In A Thang Bomb puahnal pawngkam a ummi pakhat nih, Nihin August 2 zanlei sml 3:15 hrawng in palik sakhan in meithal thawng le bomb thang a thang. A thawng a than tuk caah kan i thup. Kan lau tuknak ah kan tha zong ther dih, tiah The Chin Post ah a chim. Meithal le bomb thawng hi minutes 10 chung hrawng a thang i, a dai ṭhan. Bogyoke lam thluan dawr vialte zong an khar ngawt dih tiah theih a si.

Palik sakhan in puah thawng a daih hnu, zanlei sml 3:45 hrawng in Hakha thar gate ah meithal thawng le bomb thawng pehtlai in a thang ṭhan tiah theih a si. Zanlei sml 3:45 hrawng in a puak i meithal le bomb thawng cu pehtlai in a thang ko, tiah Bomb puahnak pawngkam ummi pakhat nih cun The Chin Post ah a chim.

Timit lei kahdohnak thawngpang le theihternak CDF – Zophei, CDF- Hakha, CDF- Thantlang le CNA i bawm in July 30 zaanlei in nihin tiang pehtlai in kahdohnak a um i ralhrang lei in a thi mi le hliamtuar an um. Nihin tiang ah kanmah lei cu kan him rih.

Ralhrang hi phuthum in an i then i an ratnak lam cio in bawh an si. Nawiva lei in a rak kai mi hna cu Timit le Congthia kar lam lei Lungkhar phanh lainak tlang ah CDF phukomh hna nih August 1 zaanlei 2:30 tluk in zaan 8:00 PM tiang an kah hna i zaan a si ca ah ralhrang pakhat a thi mi lawng hmuh a si i aa hliam mi fiang in hngalh khawh a si rih lo.

Ralhrang zong an umnak in an kir rih lo pin ah August 2 zinglei zong ah hriam ngan in an kah hna ca ah pehzulh in kahdohnak a um kho. Cucaah, ahohmanh Congthia le Timit kar siseh, Timit le Hakha kar zong Chawhvah le khualtlawn khawh a si rih lai lo. Ralhrang lei nih thazaang an chap chin i Timit ah hmunhma khur an timh ca ah nawlngeih khawh nan kan zuampiak naklai thawng kan in thanh hna.