Breaking News: Yangon Ramthen Hledan ah Kahdod Nak Achuak

BBC nih alanghter ning ah cun July 4 zingah ahkhan kah doh nak achuah hi asi i, kiangkap mipi pawl nih cun meithal thawng voi 5 hrawng an theih. June 30 ah khan Hledan ah hin mipi nih thil an zuarnak pawl cu ralhrang ralkap nih an rak hrawk piak dih hna i, cu ruangah atu bantuk in kahdoh nak achuah hi asi lo lia mi pawngkam mi pi hna nih cun an chim.

Thawngpagn thei ti pakhat nih achim ning ah cun “Meithal puah thawng hi voi 5 hrawng kan theih i,nunau 2 hliamhma an pu. Pakhat deuh cu upa deuh lei a si cang i thinphan a um. Hngakchia deuh zong hi a hmunah a thi tamlak achuak nain, thawngpang felfai cu kan thei rih lo. Kan hnu ah ralhrang pawl nih hin Hledan i mipi thilri zuarnak pawl an rak hrawh ruang ah hin, atu bantuk in kah dohnak achuah hi a si hngamaw tiah ka ruat. Asinan, a ruang felfai cu mipi lei nih kan thei kho rih lo tiah achim.

Cun Dragon Warrior Hruaitu Nagalay Tlaih A Tong Yangon ramțhen Dragon Warrior phu hruaitu Nagalay(နဂါးလေး) cu SAC ralkap nih an tlaih tiah Mandalay PDF nih nihin(July 4) ah thawng an thanh. Nagalay hi Mandalay PDF tat-khuai 3(တပ်ခွဲ) hruaitu a si i zeiruang ah tlaih a si tu cu thawngthanh mi a um rih lo nain a mah he pehtlaihnak a ngei mi cu a ran nak in zaam chung ding in theihternak tuah a si.

SAC ralkap nih Dragon Warrior Group i an Facebook cahmai cu Ko Nagalay phu nih an hman rih mi bantuk in a tawnghtham i a dang dohthlennak a tuah tu phu hna ngiathlainak ah an hman tiah theih a si. Cu caah dohthlennak a tuah tu mipi hna nih Dragon Warrior phu i page messenger in pehtlaihnak tuah lo ding zong theihternak a tuah chap fawn.