Bristist Cozah Nih Kawl Ralkap Cu Cei Lak In A Phomh Cang Hna Lai.

Kawl Ralkap Caah Tihnung Tukmi Thil Tuah Dingin Thawng A Thanh Cang.Bristish cozah nih rampi uknak nawl a latu ralkap cu dantatnak chap ding in lam an kawl than. Myanmar ramchung ralkap uknak an lakmi kong ah ralkap hruaitu hna pumpak in dantat nak chap ding in khua an khang bantuk in le an riantuan chawlehthalnak company ngan pipi zong dantat khawh nakding in a lam an kawl i dantatnak tuah zok ding in timhtuahnak an ngeihnak cu Bristish vuanci lutlai Dominic Raab nih a chim.

Security tuanvo laktu hna kut thlaknak in ramchung sandah piahtu hna minung 20 leng an thih cang ka in atu bantuk in a chimnak hi a si.Ramkhel dohthlennak chuahter a duhtu hna le media pawl le a rak dodaltu hna kha hmaisuang in kahdohnak a tuahser mi hi a rannak in a ngol a herh bantuk in ralkap uknak nawlngeihnak in mi an kahdohnak zong hi an ngol i a dikmi democracy lam an phanh khawh tha nakding caah a lam kip in ruah le ruaktan a si cang tiah Bristish vuanci nih cun a chim.

Bristish cozah nih ralkap ukhruaitu hna cu minung 20 leng dan a tat cang hna i an riannak company ngan pipi zong dantat than ding tinhtuahnak an ngei tiah theih a si. ( Ref: VOA Myanmar) CRed:Chinpost.

Min Aung Hlaing nih a tih bikmi zong a si fawn. Dr.Sasa nih Min Aung Hlaing le a hnuzul pawl hna cu Internation Court of Justice (ICJ) le International Criminal Court (ICC) bak ah tazacuai an timhnak kong cu a chim cang. Cu lawng siloin “Rammi hna thisen dor khat a tlak tinte Min Aung Hlaing le ahnuzul pawl ttuanvo an ngei.” tiah a chim fawn.

Hi bantuk a si ahcun Ngun San Aung, Ngun Cung Lian te pawl zong an i cei te kho men. Dr.Sasa biatak tein a cawl tik ah hnangam deuh ngai khi a si. Ralkap pawl hi sualphawt an si i an sungh hrim hrim ahcun dantat lo cun an chuak bak lai lo. Teinak cu Bawipa thawngin kan co hrim hrim ko lai.

“Rammi hna thisen dor khat a tlak tinte Min Aung Hlaing le ahnuzul pawl ttuanvo an ngei.” [Dr. Sasa]

“Internation Court of Justice (ICJ) le International Criminal Court (ICC) ah Myanmar ralbawi pawl tazacuai ding in kan tawlrel,” tiah Dr. Sasa nih a chim.

Be the first to comment

Leave a Reply

Your email address will not be published.