CDF Hakha Le CNA Nih Kawl Ralhrang Pawl Gangaw Lei Ah Tlung Dingin A Kalmi Cu An Kah Cuahmah Lio Hna

Halkha pengchung Zokhua peng tlangthluan Gangaw lam lei ah ni 4 chung hrawng kahdohnak ah SAC ralhrang hna nih cun hriamngan an hmen tuk caah Khuate zeimawzat cu khuachung hmenh ah um ngam tilo in ramtang ah an zam hna tiah theih a si.

CDF Hakha le CNA nih Kawl ralhrang pawl Gangaw lei ah tlung dingin a kalmi cu an kah cuahmah lio hna a si. Atu hi Gangaw lei in Kawl ralhrang 150 an rak kai lio i, Hakha lei in Ralhrang 250 hrawng an kal ve tiah theih a si.

Atu tiang hi zongah hin pasaltha hna le, SAC ralhrang hna cu an I kahdohnak hi a dairih loh tiah theih a si,atu tiang kahdohnak hi a deih hlei lo caah kan pasaltha hna hi kahdohnak chungin dam tein le a hliam mi an um nak hngalo caah thlacam in bawm ve cio hna u sih.

Atu tan an I kahdohnak ah hin, SAC ralhrang hna nih cun kan pasaltha rual hna cu, SAC ralhrang hna nih an karlak ah chuak kho ti lo dingin an chiah hna caah, him dam tein an luat khawh nak ding caah kan um nak cio in thlacam bawm cio hna u sih.

CNA le CDF Hakha cu ralhrang nih karceh an timh tuahmah hna lio a si i, faak deuh in kahdohnak a chuah khawh caah kan mipi ralkap CNA/CDF caah thlazacampiak philh hna hlah usih.

Rih khua dar I CAN LE CNDF kong lam tawi.

Ramri Tio khua ah Mipi Ralkap CNDF Ramri cong sakhaan cu Kawl Ralhrang nih an va chim i CNDF minung 4 an tlaih hna.edited: Acheu nih minung pathum an ti

Tuzing deika Sml 5:30 hrawng ah Kawl ralhrang nih India border Rihkhuadar le Zokhuathar aa pehtlaihnak Hlei a congtu Mipi Ralkap CNDF Checkpoint an va chim I CNDF ralkap 4 an tlaih hna tiah Chin Net ti a langhter.

Nizan March 25 ahkhan India le Myanmar pehtlaihnak Hlei cung ah mipi ralkap CNDF nih Chin Thantaar an thlai i, cucu online ah ai phozaar tuk caah Kawl Ralhrang nih an va kah hna si lai tiah an zumh. Ramri Hlei cung Thantaar zong Ralhrang nih anmah Thantaar an i thlai t’han.

Lung hi a faak kho tuk e!