CDF Le Ralhrang Kahnak Ah Ralhrang Vanlang  1 Akhu Cuahmah In Emergency In Atum

Kanpetlet CDF mih cun atang lei bantuk in thawngthang nak an ngei, 2021, November 19 ni ah Saw myone chung, Kyinlin khua le Tawma khua kar ah CDF (Kanpetlet), CDF (Mindat), YDF, PDF Saw phufonh cu SAC ralhrang phu he zinglei suimilam 8am in fak ngai in an i kaap i, SAC ralhrang lei in a tlawmbik minung 40 hrawng an thi pinah tampi nih hliamhma an tuar.

SAC ralhrang lei in a thimi an tam caah chun suimilam 12 hrawng in raltuknak helicopter 2 hmang in suimilam 1 chung, a changchang in mipi ralkap phufonh an kah hna. Cucaah CDF ralkap phu le YDF ralkap phu lei in hliamhma tuar an um hraw lo nain PDF-Saw lei in minung pakhat hliamhma fak a tuar i, a dang pakhat ram le miphun caah a nunnak a pek.

Magway region Saw myone Cingling khuapawng I Nov 19 kahdoh nak ah Chin mipi vengtu ralkap CDF nih ralhrang helicopter cu an kah caah khu thluahmah in Kyutthu vanlawng bualah emergency in atum tiah Saw PDF nih thawng an thanh.

A tu hi helicopter hi zeibantuk vanlawng phun dah asi I zeibantuk in dah khen mi asi timi atu tiang dikhliar in theih khawh asi rih lo. Cinlin khua pawng ah hin ralhrang le CDF, YDF, PDF Saw hna karlak kahdoh nak afak i SAC ralhrang lei in minung 40 leng an thi I PDF saw in minung pakhat anunnak aliam I minung pakhat nih hliam hma atuar. Ralhrang hna nih hin atu tan kahdoh nak ah hin Mi35p raltuk nak helicopter an hman tiah mipi vengtu nih cun an chim.

Nihin chun suimilam 1 pm hrawng zong ah Kanpetlet khuapi chung ah CDF Kanpetlet le SAC ralhrang phu kar kahdohnak a chuak i SAC ralhrang phu lei in ralhrang 3 hel ah kuat an si. 15, 11, 2021 ni zong ah SAC ralhrang phu pakhat cu CDF-Kanpetlet ralkap pakhat nih motorcycle in a pah i SAC ralhrang pakhat a hmun ah a thi tiah thawngthanhnak an tuah hi a si.

Ralhrang nih Pu Biak Ngei Sang ahngawng tan in an thah

Aluancia November 16 lio, Kalaymyo peng ah a um mi Pu Biak Ngei Sang kum (48) cu lo a kalnak in a tlunpah ah Ralhrang nih naam in ahngawng an tan i an thah, tiah kan theih. Hi ni lio ah chunnitlak kahdohnak a cang i Pu Biak Ngei Sang hi alu ah meithal in an kah ve hnu ah ahngawng zong an tan. Pu Biak Ngei Sang hi Tolre lo (dum) a tuah mi a si. Anupi le fale 4 a rohtak hna, tiah CNO/CNDF nih an thanh.

 

Be the first to comment

Leave a Reply

Your email address will not be published.