CDF-Min Dat Le Ralkap An Ni Kah Lio Ah Helicopter 4 Nih Ralhrang Hna Cu Hriamnam A Rak Pek Hna.CDF Nih Ralhrang Hna Hriamnam Tam Tuk An Chuh Hna.

Chin Ram kulh chung a um mi, Mindat khuapi CDF pawl nih Min Aung Hlaing ralhrang ralkap mawtaw (6) mei in an duah hriamnam an zamtak mi mindat CDF kut a phan. Ni (14) suimilam (10) Kyauh Htoo lei in mindat CDF kah dingin Ralhrang ralkap a rak kai mi cu mindat a phan hlan CDF Mindat nih ambush an tuah hna.

Ralhrang ralkap hna cu, lamtlang lei ah an zam, cheukhat a zam manh lo mi CDF mindat kut nunnak liam mi ralhrang ralkap ruak hna cu kan pumh ko tiah CDF mindat hruaitu pakhat nih Khit Thit Media sin ah a chim tiah Khit Thit Media nih a lang langter.

Tuzing ah KTM nih alanghter ning ah cun, Terrorist Military Council nih a tu Mindat akap lengmang tu ralhrang hna cu helicopters in hriamnam a rak pek chap hna tiah a ti. Tuzing ah Mindat cu hriamnam lian in voi 15 nak tlawmlo an kap manh cang hna.Thawngtheih ning ah ralhrang nih sualnak ngeilo Mindat minung 15 an tlaih hna.

Mah an tlaihmi hna cu ralkap nih an hmaiah an chiah hna I, cuticun Mindat khuachung an luhpi hna tiah theih asi. Ralhrang nih hin anmah lawng I khuachung luh cu an ngamh hrim hrim lo caah khuami an tlaihmi hna cu lakkar ceh in an kalter hna. Cuticun Mindat khuachung an lut tiah ati. Kha bantuk in an tlaihmi hna ralkap hmaiah an um tikah CDF nih an kap ngam ti hna lo. An kah sual hna ah cun, khuami an thi suallai an phang.

Ceu Bik Thawng Ttial mi Capar rel rih u sih: Federal Ralkap Ser in Teinak Puanzar Usih – Kawl Ralkap Tatmadaw Ni an timi hrimhrim hi tlangcungmi nih kan cohlang kho lo. Kum 1941 i BIA an dirhmi le 1945 kum i AFPFL an rak dirhmi cu 1947 kum Panglong min kan thut hlan thil asi i tlangcungmi pawl he aa pehtlai lo. Kan i saing lo. Hi mithat hmang Kawl ralkap hi kan hrawh cikcek a hauh caah atanglei bantuk in FUA Ralkap kan ser a hau cang.

CRPH /NLD nih April thla thawk in an ser dingmi mipi cozah (Interim Government) nih Federal Union Army timi FUA ser colh seh. Cu tlangcung hriamtlai le Kawlrawn hriamtlai komh in sermi FUA nih MAH tang ummi ralkap kha mipi cozah lei tang dingin sawm hna seh. A ra duh lomi kha ralhrang terroriest cazin ah khumh ve hna seh

CRPH /NLD nih April thla thawk in an ser dingmi mipi cozah (Interim Government) nih Federal Union Army timi FUA ser colh seh. Cu tlangcung hriamtlai le Kawlrawn hriamtlai komh in sermi FUA nih MAH tang ummi ralkap kha mipi cozah lei tang dingin sawm hna seh. A ra duh lomi kha ralhrang terroriest cazin ah khumh ve hna seh.

Min Aung Hlaing le ralhrang cazin i a chiahmi pawl kha kaap ve hna seh. Federal ralkap caah Kawl chungin atu ah tlangcung hriamtlai sin ah ralkap training a kaimi athongthong in an um cang i cuhna pawl le ABSDF hriamtlai le Kawl Tatmadaw ralkap chungin mipi cozah sin a rami pawl i tel ve hna seh. Cun, cu hna pawl cu Ygn, NPT le MDL tepawl ah cawlcang ve hna seh. Cucun kan tei hrimhrim lai. Saram cu minung holh an thiam lo caah minung holh in chawn loin saram holh in chawnh ve an hau. Salai Ceu Bik Thawng.

Be the first to comment

Leave a Reply

Your email address will not be published.


*