CDF-Mindat ralkap pa 1 i thihnak Roca cu lung a kekkuai ter tuk e

CDF-Mindat ralkap pa 1 i thihnak Roca cu lung a kekkuai ter tuk e
==============

Kei mah cu Federal democracy ngah nak ding caah uknak a la tu ralhrang cu ka dohnak ah ka thih sual ah cun a tang lei theihternak hna cu Mindat peng Mipi uknak(Civil Administration) le ka dawt mi ka ralkap hawi hna an hngalhnak ding ah mah ca cu tial in ka chiah ta.

1. Ka ruakhumpnak cu sa zeihmanh thah loin dih ko seh.
Ka ruakhumpnak ah zei thil nung hmanh thah i ruakhumpnak rawldanghnak nan tuah lai lo. Ram mipi a hrem tu nawlngeihnak a la tu ralhrang dah ti lo cu a nung mi zei thil hmanh fahnak pek le thih ter ding ah ka duh lo.

2. Ka ruakvui lio ah meithal nan puah lai lo.
Meithal kuan paoh paoh cu kan ral hna sin ah tla ko seh. Kei mah ca’h puah ding kuan cu mipi kilvennak le nawlngeihnak a la tu ralhrang hna ca’h hmang uh.

3. Ka ruakhumpnak nan tap lai lo.
kei ka thih nak cu upat awktlak thihnak a si ca’h tahaihramnak na tuah lai lo. Ka ruahhumpnak ah Pathian thangthat le a ralaimi ni ca’h raltuknak lei khuakhan nak cu biaruah nak nan tuah lai.

4. ka thihnak cung ah ahohmah sualpuh/mawhchiatnak nak an ngei lo.
Mah dohtlennak ah ka tel nak cu kei mah duh nak te a si ca’h a ho cung hmanh ah sualpuh a herh lo. Cu ruangah kan nu le pa, chungkhat hna nih sualpuhnak le ralchanhnak hna a um ah cun leh than khoh a si.

5. A dongh tiang dohthlennak tuah ding.
Lungdonghnak um lo in kan tinhmi saduhthahnak a phan tiang in teima in doh ding le federal democracy pumtling mi ram dirh/ser piak ding… hna cu an si.
Salai Khaw Pa Ling, Crd; CDF-Mindat

Be the first to comment

Leave a Reply

Your email address will not be published.


*