CDF Nih Nihin April Ni 15 Ah Cathanh An Chuah Than,Kahdohnak A Tam Tuk Ca Ah Mipi Nih Cun Len Chuah Lo Ding In.

Chinland Defense Force CDF Matupi Dai Battalion 4 hmun ram chung ah 2022 April 15 ni ah SAC ralkap pawl cu an rak luh caah zeitik caan poh ah kan i kap kho. SAC ralkap pawl cu thuam hruk lo, mi sawhsawh bantuk tein an ra kho i, thluak phunphun chuah in rallam an sial khawh.

Cucaah mizapi cu ramlak kal in, ram va riah, tiva kal le zan ah chawhvah lo ding a si lai. Nawl nan ngaih lo i thil pakhat khat a can sual ahcun CDF-Matupi Battalion 4 nih į¹­uanvo kan in la hna lai lo, tiah ralrinnak cathanh an chuah.Crd: The Chin Post.

Relchap,American Ah A Phanmi Chinmi Nih Mizaoram Cozah Le Mipi Cu Upatnak Pek,American ah a ummi Chin Baptist Association North America CBANA le Falam Baptist Church of Indinapolis hna nih Kawlram ralzaam mipi a zohkhentu Mizoram cozah le mipi hna cu upatnak pekin April 13 ah Prime Minister zungah kal in lawmhnak bia an chim.

Matupi Peng Thawngpang Tawi,April 12 chun sml 12:00 hrawngah Matupi khuapi ah helikopter pakhat a rak tum i, zanlei sml 2:00 hrawngah a zuang than tiah thawng kan theih.

Matupi khuapi ah helikopter a phak hnuin Gas tiin ruahmi chemical hriamnam hmangin SAC ralhrang ralkap nih Battalion -4 leiah an kah caah an kahnak hmun le pawngkam meng (1) hrawnghrang ah a ummi mipi hna cu an lungmit, an luak i, lungfim loin an um tiah kan theih.

CDF-Matupi nih Battalion-4 pawngkam ah a ummi mipi hna cu himnak hmunah an zaamter hna tiah kan theih.Matupi khuapi chim lo, pawngkam khuate ahcun MEC phone line telh in phone line paoh cu an thah tiah tualchungmi hna nih an chim.Crd: The Matupi Times