CDF Paletwa Le SAC Ralhrang Kahdohnak,Ralhrang Lei In, Minung 12 Reng Lo Cu An Thi Laitiah Paletwa, Pasaltha Hna Nih Cun.

Kum 2022 April 3 zaan sml 8:30 hrawngah Paletwa peng Sami khuapi luhnak gate cu CDF Paletwa le CNA i fonhin an kah hna caah SAC ralhrang ralkap he minutes 30 chung kaphnih kahdohnak a chuak i.

SAC ralhrang ralkap leikap ah 6 an thih pinah tampi nih hliam an tuar, CDF Paletwa le CNA leikap ah hliam tuartu umloin kan i zukphiak kho tiah CDF Paletwa nih cathanh an chuah.

Thawng dang,CML: Nihin Chin mino nih kan ram ramkhel kong hi zeitluk in dah hngalh duhnak (concern) an ngeih tiah na ruah,Anna Biak Òha Mawi: Nihin Chin mino nih a cungpavuan in cun ramkhel kong ah concern kan ngei ngai ko keimah telh in.

Facebook cungah tibantuk. A chung taktak va pil le a hram taktak tiang a purdap duhmi hi cu kan tlawm lai. Chinram chung a ummi mino nih hin Kawl lei a ummi mino nakin ramkhel kong ah hin hngalh duhnak an ngei deuh tiah keimah pumpak in cun ka hmuh. Buaktlak in cun ahlan nakin cun.

internet, online thawngin thawngpang tete le ramkhel sining tete hun theih deuh a si tiah ka ruah.CML: Chin mino nih kan miphun ramkhel kan fian chinchin naklai zeidah kan tuah a herh tiah na ruah?Anna Biak Òha Mawi: Chin mino nih kan ramkhel sining kan theih chinchin naklai ca tampi kan rel a herh.

Cun news zong tampi kan rel a hau. Cun a hngalmi sinah hal hna ding zong a si. Training hna zongah kai khawh i zuam peng a herh fawn. Asinain, mi kan hal hna ah siseh, ca le thawngpang kan relnak ah siseh zeitluk in dah zumh tlak (reliable source) an si ti zong hlathlai a herh ve.

Thil sining kha kap khat lei lawngin rel lo in aa dangmi hmuhning a phunphun zong kha rel in mah tein tuaktan thiam zong hi a herh ngaimi a si, CML: Myanmar ramkomh chungah a si a fak bikmi Chin ramkulh ah hin atu lio cozah nih sifah tlawmnak, mipi rian kawlpiaknak a tuahmi hi a za tiah na ruat maw.

Anna Biak o ha Mawi: Chin ramkulh ah sifah tlawmnak le mipi rian kawlpiaknak ah atu lio cozah nih a tuahmi hi a za tiah ka ruat bak lo. Ahramdomhka lawng an si i aphi taktak a chuak kho rih lo. Hlan lio tein nihinni tiangah infrastructure ca lawng an tuaktan peng tiin ka hmuh.

Adang a herh taktakmi zongah a tuahmi an tlawm tuk rih. Bianabia ah cinthlak lei ah siseh, zungthiamnak lei ah siseh, chawlehnak SMEs caah siseh, nuphung le zatlang tlonlennak caah hin khua an ruahmi a lang tuk rih lo tiah ka hmuh.

CML: Cozah uknak òhalo tangah caan saupi a rak um i, sifahnak nih caan saupi den a si cangmi kan Chinram hi miphun party nih zei bantuk bia dah kamh seh ti na duh

Anna Biak Òha Mawi: Keimah pumpak in miphun party nih bia kan kamh kho seh ti ka duhmi cu mipi caah lung hnangamnak le nuamhnak zeitindah kan pek khawh hna lai timi ruah in khuakhan lairel hi a si. Cozah òhalo nih cun anmah pumpak rumnak le ngeihchiah karhnak ca lawngah khua an khang. Miphun party nih cun mipi caah lungtak tein khua a ruat i, zawnruahnak te he rian a òuanmi party si ding hi ka ruahchan ngaimi cu a si.

CML: 2020 thimnak a nai cuahmah cang. 2020 thimnak phichuak le kan Chin ramkulh caah hei si seh tiah na lungduh?

Anna Biak Òha Mawi: 2020 caah hin cun Chin ramkulh ah miphun party nih hin hmunhma la kho deuh hna sehlaw zeidah aa dang deuh hnga ti hmuh ka duh ngai.