CDF Pawl Nih Phungninglo In Thing Phor pawl Le Hmawngkhu Thil Phor Cu Dantat an Thawk

Thal ahung chuak in Chin ram chungah phungning lo in thing phor mile phung lut lo in thil atuah mi an tam, cu tikah cozah tha tein adir rih lo caah tawlrel tu an um lo I Tedim peng, Siyin hmunram chung ah cun phungning loin thil a phormi pawl cu February 25 thawk in CDF, CDM-Siyin nih dantat hram an thawk cang hna. Siyin hmunram chung phungninglo thing a phormi pawl zong February 25 thawk in dantatnak kan tuah cang hna, tiah CDM-Siyin nih thawng an thanh.

Atu bantuk in chinram chung hmunkip ah hin mipi kilveng tu kanralkap hna nih tuanvo kanlak piak dih hna seh law ka ram ahim nak ding caah atha tuk lai, cu ti silo in duh paoh in thingram le ka ram chung thilri pawl sawksam le duhpaoh cawlcangh ah cun hi hnu kum tlawmpal ah cun kan chin ram hi rawh chin afawi te.

Cun thawngpang dang deuh ah…Ni 7 Chung CNA, CDF, PDF Ralkap Bu Fonh le SAC Ralhrang karlak Kahdohnak Chuak, Ralhrang 20 Leng an Thi: February 18 in 24 tiang,Magwe le Chin ramri ah SAC ralhrang le mipi ralkap bu fonh (CNA, CDF-Kanpetlet le PDF-SAW) karlak kahdohnak voi tam nawn a chuak i SAC ralhrang lei in minung 21 an thi, tiah PDF-SAW nih thawngpang an chuah.

February 20 kahdohnak ah ralhrang 6 an thi. February 21 ah ralhrang 4 an thi i February 22 ah ralhrang 14 an thi, tiah an langhter. Magwe ramtthen in Chin ramkulh lei ah motor 16 in a rak kaimi SAC ralhrang pawl mipi ralkap bu nih an kahmi hna a si.Kahdohnak ah mipi ralkap lei in aa hliammi le a thimi kan um lo, tiah an langhter. Ref: The Chin Journal

Be the first to comment

Leave a Reply

Your email address will not be published.