CDM A Tuah Duh Lo Mi Pi Noami Nih Cun Mipi Hna Cu,Police Le Ralkap Hna Sin Ah Report Lengmang Hna.

Hakha Um Pi Noami Lian Cu CDM Tuahlo Hlei Ah Palek Le Ralkap Sin Ah A Report Peng Hna.Ralrinpeknak! Hakha Chin Oo Sii Sang khuasa Pi Noami Lian nangmah cu CDM tuah lo in zung na kai peng. Culawng si loin CDM cawlcanghnak Palek le Ralkap sinah thawng na thanh tawn hna ti kan theih. RAK I RALRING! Hihnu zung na kai mi le Palek, Ralkap sinah CDM cawlcanghnak kong thawng na thanhmi kan theih rih ahcun Sang Mino le Hakha Mino hna nih a herhning in tuanvo kan in lak lai.

Hakha Chin Oo Sii sang ah Ketheibo sang a um mi pa Tum Sang kum 16 nih dawr pakhat ah tangka le phone phaisa a dihlak ah 460,000 man hrawng a fir. A fir ni hi February(15.2.2021)ah a si i February(17.2.2021)ah amah lila nih a firnak dawr ah phone tangka cu a rak zuar than hna i dawr ngeitu nih an lunghrinh ca ah hman an thlakhnik i a zam nain sang chung um mi hna nih kan dawi i kan tlaih khawh.

Hi kong he pehtlaih in thil fir piak a tong mi hna chungkhar hna hnatlaknak he mizapi sin ah ralrinnak pek a tha ko tiah kan ruah ca ah atu bantuk in a min le a hmanthlak langhter in mizapi sin ah theihternak kan rak tuah hi a si.
Atulio cu rampumpi huap in thawngpang a chiat lio ah Hakha , Chin Oo Sii sang ah mifir, zu ding i buaibai nak a tuah mi mino nih kan hmuh pah len hna caah sang chung um mi nulepa hna daithlang lo tein le ralring tein um i zuam cio uh tiah kan in nawl hna. Kan sang chung ah thil pakhatkhat a can sual ah cun Chin Oo Sii Mino Bu sin ah kan pehtlaih colh uh.

Biakilh; Hi post a hmu mi cheukhat hna nih cun a tha/ a tha lo tiin kan ruahnak aa dang cio ko lai, kan Khrihfa sinak le kan Lai nunphung sinak in fir le tlaih cu kan duh lo bik mi a si.Hi kan ca post hi Chin Oo Sii Mino Bu theihter loin perh hlei in ttial le post lo ding!

Upatnak he,Chin Oo Si Mino.

Be the first to comment

Leave a Reply

Your email address will not be published.


*