CDM i A Tel Ruang Ah Ka Lai Nungak Pakhat Cu A Rian In Phuah A Si.

Chin Nungak Engineer Ṭuanlio Mi Emmanuel Cu CDM I Ai Tel Ruangah A Riantuan Nak In An Chuah.Chin nungak a si mi Emmanuel Emma cu CDM lamzawhnak i ai tel ve ruangah a rianṭuannak in an chuah ti ah theih a si. Tulio Myanmar ramchung buainak ah CDM lawng nih teinak kan hmuh khawh tiin lam zawh nak in duh lo nak neih cuahmah lio a si. Cozah riantuan mi pawl zong an rian dinhtak inn lamzawhnak ah an i tel i riantuan nak in an i dinh mi kong theih cu a poi tuk hringhran.

Asinain, tu can hrang lawng ah ruat loin, hmailei kong tiang an ruah khawh mi theih tik ah thazang a tlung tuk hringhran. Emmanuel Emma cu Civil Engineer a si, T.H. Hlaing Co.,Ltd (Road Construction) ah Quantity Surveyor (Q.S) in riantuan mi a si.February 8 in lamzawhnak CDM i ai tel nak kong cu an pu sin ah theihter nak a tuah, cuti cun a thaizing February 9 ah an pu nih rian in na chuak kho tiin a chuah nak kong cu Meifar thawngthanh nak ah a chim.

Riantuan tu pawl an i chawnh tawn nak Viber Group zong ah amah tein a chuah nak hnga thawng an thanh.Emmanuel Emma nih thinlung tluang tak in “Awle, saya kai lawm tuk. Pathian nih mah hi company hi thluachuah nak pe hram seh, thinlung taktein thla ka rak in cam piak peng lai” tiin CDM ruangah an rian tha tuk mi cu a chuah tak ruangmang ve.

Credit: Meifar

Be the first to comment

Leave a Reply

Your email address will not be published.