Cei Cang Ko Hna Seh : Ram Uico Ralkap Hna Le A Dirh Kam Hna Cu,Mipi Lei Nih An Tlaih Cang Hna I,Vawk Inn Chung Ah An Chiah Ve Cang Hna.

Kawl ram cung buai nak hin,Tlang cung mi hna,an rian ttuan hmuh khawh mi hi, a tam ngai ngai ko cang.Hi buai nak ah hin,KIA Le KNU hna cu cu a langsar mi an siko.Adang ram tthen hna ah cun an buai lo ka ti nak silo i,an buai tuk ve ko.A sinain Mipi nih cun KIA le KNU hna hi kan ni bochan bik mi hna cu an si.

Shan ram tthen chak lei ah a um mi, Ralkap dirkamh tu le Ralkap nih training an pek mi hna Pyi-thu-sit (ပြည်သူစစ်အဖွဲ့) pin ah Ralkap zeimawzat cu khua mi nih an tlaih hna i Bawm chung Vawk inn ban tuk ah an hren ve hna ti asi. “Ralkap lei a minung pawl an tlaih ve hna, Bawm chung ah an khumh hna i nilin lak ah an hren ve hna” timi cu thawngpang tha, thawngpang ngaih nuam ngai ngai asi.

Hi thawngpang hi Shan ram chaklei ah a cang mi a si ti vial in an tial nain a hmun, a khua taktak an langhter lo. Cun an tlaih mi hna minung zat fiang tein an langhter lo nain hmanthlak i a lang mi hi cu Pyi-thu-sit an si, Ralkap a dirpi mi, Ralkap nih Pyithusit tiah raldoh traning an pek ve mi hna a si tiah an chim. Cu pin ah an mah ralkap lila zong tlaih mi ah an i tel ve ti asi.

Taungkyi Voice timi nih a langhter mi asi i thawngpang tling tein kan tarlangh tthan te lai tiah a langhter i Breaking News bantuk in a tarlangh chung mi asi. Nihin tiang hmunkip ah Kawl ralkap dohnak in a khat, Kawlram khuapi siseh, khuate kip zong ah mipi lei Bomb puahnak zong nihin ah a um peng rih. Ralkap a rannak in an tlaknak si hram ko seh,Amen.

Credit : Tangkyi Voice

Be the first to comment

Leave a Reply

Your email address will not be published.


*