Cei Ko Hna Seh : Tu Zan Hakha Ah Min Aung Hlaing Hnu Zul Pawl Cu An Tlu Dih Ko Cang Hi.

Breaking News Tuzan Hakha Min Aung Hlaing Hnuzul Palek Le Ralkap Pawl Cu An Tleu Ne.Lamlai catial mi hnawhpiak ding ah Palek le Ralkap an ra nain an kir than.2021 Feb. 24, zaan suimilaam 9:30 hrawng, Hakha Myanma Economic Bank hmai ah Mino hna nih ca an tial mi cu Ralkap le Palek nih hnawh ding in Security hngak mi an rathnawh hna nain Mino an tam ca ah an kir than.

“Ca kan tial mi hi voi hnih an kan hnawhpiak cang ca ah tuzaan cu security hngak usih kan ti.Mino zeimawzat nih kan hngah lio ah Ralkap le Palek cu tam ngai an rak phan.Hakha Mino kan i ko (au) hna i mino a thong deng kan chuak manh. Palek le Ralkap zong cu hriamnam tling he an ra nain an kir than,” tiah CDM cawlcanghnak ah aa tel mi mino pakhat nih The Hakha Times ah a chim.

February 23 zaan ah a voi hnihnak an hnawhpiak cang hna. CDM ah aa tel lo mi Sipin riantuantu, Palek le Ralkap nih an rak hnawhpiak hna. Tuzaan (Feb. 24) belte mino nih an congh i an hnawt ngam lo.

Credit:The Hakha Times

Be the first to comment

Leave a Reply

Your email address will not be published.


*