Central Bank of Myanmar Nih Mipi Sinah Kyat ..10000 le Kyat 5000 A Thi Lai Tiah An Chim Mi Cu,Ralkap Nih Fianternak An Tuah Ve Cang.

Central Bank of Myanmar Nih Mipi Sinah Thawng An Thanh Cang: Myanmar Ralkap nih uknak aa-na an lak hnu in Myanmar Kyat 5,000 le 10,000 tlap cu hrawh/thah asi lai, hman khawh asi lai lo tiin thawngpang a chuak len. Cu tikah tangka 5,000 le 10,000 tlap ngeimi hna cu thinphang ngaiin an um i thil cawk paoh ah 10,000 an hman ti a si.

Hi thawngpang a lengmi kong he pehtlaiin Central Bank of Myanmar lei nih thawngthanhnak le fianternak an tuah colh.”Ralkap nih uknak an lak hnu ah Kyat 10,000 tlap hi hman khawh asi lai lo tiin bia a chuakmi hi adik/ hman lomi asi. Phunghrampi ning tein a chuakmi asi caah hman awk a ttha ko. Thah le hrawh asi lai lo”tiah mipi sinah thawngthanh le fianternak an tuah. Ref: Myanmar Times

Relchih: Hakha siizung siibawi hna zong nih mifir ralkap uknak an doh ve cang, uar an um bak. A tanglei hi Dr. Ngun Cung Lian nih a tialmi a si.Hakha Sizung ah လက္ေထာက္ဆရာဝန္ (AS) pawl cu Civil Disobedience kan tuah caah sizung ah kan kal ti lo. Emergency mizaw nan um sual ah cun aleng ah free te in zoh khawhnak ding khua kan khan lio . Mizaw zoh kan zuam lo, zawnruah lo asi hrim lo . Ralkap uk kan duh lo tihi asi ko. Thawng kan rak tial than te lai. 3 .2 . 2021. Rak Share cio uh law Dr. Ngun Cung Lian Assistant Surgeon Hakha General Hospital

Be the first to comment

Leave a Reply

Your email address will not be published.


*